Aðsent efni

Á fjármálaráðstefnu sveitarfélaga þann 8. október 2026 lagði Eyjólfur Ármannsson innviðaráðherra áherslu á mikilvægi þess að standa vörð um lítil hjúkrunarheimili með 10–12 íbúum. Þetta eru mikilvæg orð sem ber að fagna. En þau vekja jafnframt áleitnar spurningar um framtíð þessara heimila þegar heilbrigðisstofnanir landsins standa frammi fyrir miklum kröfum um niðurskurð og hagræðingu.

Lóa Travel og Selasetur Íslands vinna nú að þróun á stafrænni miðlun upplýsinga um Vatnsnes, ásamt því að hanna og bjóða upp á samsettar hópaferðir á svæðinu. Verkefnið hlaut nýverið styrk úr evrópska PHOENIX 4.0 verkefninu, sem m.a. er stýrt af Íslenska ferðaklasanum.

„Ég vorkenni ekki þeim sem búa einir, en ég vorkenni þeim sem vilja vera einir.” Eitthvað á þá lund var haft eftir Hjörleifi Kristinssyni bónda og fræðimanni á Gilsbakka á Kjálka og vísað til þess að hann hefði aldrei ætlað sér að búa einn eins og hans hlutskipti varð lengst af ævinni, örlögin höguðu því bara svoleiðis.

„Að svindla er að brjóta reglur eða blekkja aðra til að fá forskot, ávinning eða niðurstöðu sem maður ætti annars ekki rétt á. Dæmi er að nota óleyfileg hjálpargögn í prófi eða breyta stigum í leik. Það sem ræður mestu er hvaða reglur eða samkomulag gilda í aðstæðunum og hvort maður fari á bak við aðra,“ segir súpergreindin.

Árið 1990 gaf þýska rokkhljómsveitin Scorpions út lagið „Wind of change” sem átti eftir að verða þeirra langmest selda lag en samkvæmt listum um tónlistarsölu seldist lagið í kringum 14 milljón eintökum og selst enn. Það er allt gott um það að segja, lagið er fallegt en líklega er það textinn sem gerði lagið svona vinsælt en hann fjallaði um þá frelsisvinda sem þá léku um austur Evrópu.

Í næstu viku koma fulltrúar frá Heilahjálp – samtökum um heilabilun (áður Alzheimersamtökin) og halda fræðsluerindi fyrir íbúa og fagfólk á Sauðárkróki og Hvammstanga. Markmiðið er að auka þekkingu og opna umræðu um heilabilun, sem snertir þúsundir Íslendinga og fjölskyldur þeirra.

Þann 31. ágúst sl. skrifaði Magnús Jónsson fv. veðurstofustjóri grein á Feykir.is undir fyrirsögninni „Til hvers var landhelgin færð út?“ Hann byrjar á að fullyrða að í skýrslu frá Hafró frá 1972 hafi verið lagt til að tog- og dragnótaveiðar skyldu út fyrir 12 mílur fyrir Norður- og Austurlandi og 6 mílur fyrir Suður- og Vesturlandi. Hann talar um að skýrslan sé týnd og að Hafró hafi „snúið við skoðanablaðinu“. Hafró er vísindastofnun og er ekki með beinar skoðanir nema að þær séu byggðar á vísindum. Ég vona að veðurspárnar í tíð Magnúsar hjá Veðurstofunni hafi ekki verið byggðar á skoðunum veðurfræðinga.

Í nóvember 2023 efndu velunnarar Hólastaðar til ráðstefnu til heiðurs Jóni Bjarnasyni fyrrverandi skólastjóra og Ingibjörgu Kolka, konu hans. Ráðstefnan var vel sótt og öllum opin. Um sjötíu manns áttu fræðandi og skemmtilegan dag á Hólum. Fyrrverandi samstarfsmenn og nemendur Jóns og Ingibjargar á Hólum fluttu erindi og kennarar og vísindamenn skólans sögðu frá störfum sínum. Kjarninn í máli ræðumanna var að í tíð þeirra hjóna á Hólum, hefði tekist sérlega vel til við endurreisn skólans og að hann og Hólastaður hafi notið sannrar velvildar jafnt í heimahéraði sem og hjá stjórnvöldum. Á ýmsum sviðum hafi skólinn rutt brautina, einkum er varðar nám og rannsóknir í hestamennsku, ferðamálum og fiskeldi.

Við í Húnaþingi vestra stöndum vörð um okkar íbúa og hækkum hvorki gjaldskrár né fasteignagjöld á næsta ári. Leikskólagjöld standa í stað. Hitaveitan. Tónlistarskólinn. Allt.

Feykisliðar ráku augu í það í einni af fjölmörgum yfirreiðarferðum um grösugar grundir Fésbókarinnar að góðborgarar í Félagi eldri borgara í Húnaþingi vestra höfðu brugðið undir sig betri fótunum og skellt sér í ferðalag fyrir Skaga. Það var því ákveðið að hafa samband við góðvin Feykis, Guðmund Hauk Sigurðsson á Hvammstanga, og kanna hvort hann væri ekki reiðubúinn til að segja frá og jafnvel senda nokkrar myndir. Það klikkaði ekkert á þeim bænum og afraksturinn er hér á opnunni.