Matgæðingar

Matgæðingar vikunnar í tbl. 25 voru Sigurlaug Dóra Ingimundardóttir og Ólafur Pálmi Agnarsson. Lulla, eins og hún er oftast kölluð, ólst upp í Geldingaholti á Langholti í Seyluhrepp hinum forna en Óli ólst upp í Hrísey.

Nú ætlar Feykir að mæla með nokkrum gerðum af sósum. Fyrsta sósan er frá Lindu Ben sem hefur farið eins og eldur um sinu síðustu daga á netinu og er í grunninn jógúrtsósa sem hentar með öllu, grillkjöti, kjúkling, fiski, lambakjöti, grænmeti eða nýbökuðu brauði.

Það er Arnfríður Hanna Hreinsdóttir sem er matgæðingur vikunnar í tbl. 23 að þessu sinni. Arnfríður Hanna ólst upp á Þverá I í Blönduhlíð en flutti úr Skagafirðinum laust fyrir aldamót og býr sem stendur í vesturbæ Reykjavíkur ásamt Viðju Gná, átta ára dóttur sinni.

Matgæðingur vikunnar í tbl. 22 var hinn 26 ára gamli Patrekur Óli Gústafsson sem býr á Hvammstanga. Patrekur er menntaður matreiðslumaður og ætlar hér að bjóða upp á hægelduð nautarif og sítrónutart.

Matgæðingur vikunnar í tbl. 21 var Elfa Björk Sigurjónsdóttir frá Geldingaholti í Skagafirði. Elfa Björk flutti burt úr firðinum fagra fyrir hátt í þrjátíu árum síðan og býr núna á Akranesi ásamt Sigra, 14 ára syni sínum.

Þegar þessi Feykir mælir með þáttur birtist þá var sumar (var í tbl. 20 sem kom út í lok maí) og stutt í Þjóðhátíðardaginn en nú er komið haust og við ætlum að kalla þetta hausttertur í staðinn. Það er jafn mikið tilefni að hræra í eina tertu nú eins og þá. Þegar ég fór á stúfana í maí þá fann ég þessa girnilegu marengstertu á gotterí og gersemar þar sem nýja Bíó kroppið frá Nóa Siríus var notað í uppskriftina. Seinni tertan er frá Alberteldar.is og er rommkúluterta sem Álfhildur Jónsdóttir frá Ísafirði á heiðurinn af. Nú er bara að setja á sig svuntuna og skella í tertu. - Njótið

Matgæðingur vikunnar í tbl. 19 var Ævar Marteinsson á Mánagötunni á Hvammstanga en hann býr með Herdísi Harðardóttur og eiga þau saman þrjú börn. Ævar sér að mestu leyti um eldamennsku á sínu heimili og finnst rosalega gaman að grilla, hvort sem það er á gaseða kolagrilli og þá sérstaklega þegar veðrið er gott.

Það er Anna Birna Björnsdóttir og eiginmaður hennar Egill Birkir Sigurðsson sem eru matgæðingar vikunnar í tbl. 18. Anna Birna og Egill Birkir eiga heima í Kópavoginum ásamt Íslenska fjárhundinum Týru en þar hafa þau búið í 12 ár. Egill er fæddur á Patreksfirði en flutti ungur á Krókinn með móður sinni Rögnu Jóhannsdóttur, stjúpi hans er Pétur Valdimarsson. Anna Birna er einnig fædd og uppalin á Króknum og er dóttir Badda múrara, seinna Baddi í íþróttahúsinu og Siggu Gísla, dóttur Fjólu Sveins og Gísla Gunnars.

Matgæðingar vikunnar í tbl. 17 voru Kristinn Rúnar Víglundsson og Hallfríður Sigurbjörg Óladóttir í Dæli í Vestur-Húnavatnssýslu. Kristinn er uppalinn þar en Hallfríður er Króksari og eiga þau tvö börn. Í Dæli hafa þau verið með ferðaþjónustu og hrossarækt síðan 2013. Þess má geta að Kristinn er söngvari Slagarasveitarinnar húnvetnsku.

Matgæðingar vikunnar í tbl. 15 voru Magnús Ásgeir Elíasson og Selina Stacher sem búa á Stóru-Ásgeirsá í Húnavatnssýslunni. Magnús á tvær stelpur, þær Sigríði Evu og Helgu Mist en svo eiga Magnús og Selina nýfæddan Magnússon.