Mannlíf

Hvernig var lífið í verbúðum við ysta haf á 12. öld? Hvernig stytti fólk sér stundir þegar enginn var síminn eða sjónvarpið? Undanfarin sumur hefur fornleifarannsókn farið fram í Hafnabúðum á Hjallanesi í landi Hafna á Skaga þar sem umfangsmikil verbúðabyggð hefur verið við sjávarsíðuna. Markmiðið með rannsókninni var að rannsaka líf og starf fólks í gamalli verstöð og hvernig sjávar- og strandauðlindir voru nýttar. Rannsóknirnar benda til þess að starfsemin hafi verið fjölbreytt. Þar fundust meðal annars vísbendingar um fiskveiðar, hvalveiðar, selveiðar, textílvinnu og matargerð. Konur, menn og börn hafa dvalið á staðnum, en ekki eingöngu karlmenn líkt og uppistaðan í seinni tíma hugmyndum um verstöðvar og sjómennsku hefur oft verið.

Íþróttagarpur Feykis að þessu sinni er Brynjar Morgan Brynjarsson en hann er fæddur í janúar á því góða ári 2012. Hefur búið á Skagfirðingabrautinni á Sauðárkróki frá því daginn áður en hann kom í heiminn en þá fluttu foreldrar hans allt sitt hafurtask á Krókinn.

Það er ekki öll vitleysan eins eins og segir í kvæðinu. Í ágætri frétt á vef Varmahlíðarskóla segir af því að af 34 starfsmönnum skólans bera átta nafnið Helga. Ekki kemur fram hvort þetta hafi valdið veseni hjá nemendum og öðru starfsfólki.

Á dögunum komu fulltrúar félagsmálaráðuneytisins sem halda utan um verkefnið Gott að eldast í heimsókn í Snælduna heimaþjónustu á Hvammstanga. Aðgerðaáætlunin Gott að eldast var samþykkt á Alþingi í maí árið 2023 og tekur til 19 aðgerða sem á að vera búið að ljúka í árslok 2027. Aðgerðirnar eru mismunandi, sumar ívið umfangsmeiri en aðrar en allar eiga það sameiginlegt að stuðla að bættum lífsgæðum eldra fólks. Sex heilbrigðisumdæmi og tuttugu og tvö sveitarfélög taka þátt í verkefninu.

Uppbyggingarsjóður Norðurlands vestra hefur opnað fyrir umsóknir og styður meðal annars við menningar- og samfélagsverkefni, líkt og viðburðarhald. Ef þú hefur hugsað þér að standa fyrir viðburði á Sæluviku 2027 gæti styrkur úr sjóðnum hjálpað til við að gera hugmyndina að veruleika.

Nú ber svo við að í Háskólaráði Háskóla Íslands eiga tveir Skagfirðingar sæti en það eru þau Hólmfríður Sveinsdóttir, forseti Háskóla Íslands á Hólum, og Sæþór Már Hinriksson námsmaður og trúbador. Sæþór er líka fyrrum sumarstarfsmaður á Feyki – og fjölmargt annað – þannig að það lá beint við að senda honum nokkrar spurningar.

Um áramótin 2024 – 2025 tóku þau Sigríður Jónína Helgadóttir og Snorri Snorrason við búsforráðum í Menningarhúsinu Miðgarði í Varmahlíð. Það var árið 2009 sem Miðgarður, eftir miklar endurbætur, fékk formlega titlilinn, Menningarhús. Saga Miðgarðs hófst þó árið 1967 þegar það var vígt sem félagsheimili. En sem sagt, þá eru Sigga og Snorri staðarhaldarar í Miðgarði núna og leit blaðamaður við í morgunkaffi nú fyrir skemmstu og fékk að fræðast um starfið og spurði fyrst hvað hefði fengið þau til að sækjast eftir þessu hlutverki?

Árleg kvöldopnun í Aðalgötunni á Sauðárkróki verður þriðjudaginn 13. október en þá verða fyrirtækin í götunni með opið hjá sér og því tilvalið að kíkja á röltið í skemmtilegri kvöldstemningu og hafa gaman. Feykir heyrði aðeins í Ólínu Björk Hjartardóttur verslunarkonu í Aðalgötunni en hún rekur Drangey Stúdíó ásamt Helgurut systur sinni.

Nýrri skagfirskri tónsmíð var smellt á Spottann í vikunni en það var lagið Gulnuðu laufin sem Sigvaldi Helgi Gunnarsson er skráður fyrir. Lagið er lauflétt og kántrýskotið – en ekki hvað – og haganlega sett saman af þeim Sigvalda og Andra Má Sigurðssyni og prjónað saman í stúdíóinu hjá Reyni Snæ Magnússyni. Feykir rabbaði við Sigvalda.

Eitt af mörgu í umæðunni þessa dagana er endurupptaka tölustafa í stað bókstafa í námsmati í grunnskólum. Eitthvað finnst sumum þetta ruglingslegt en gerður er greinarmunur á mati á verkefnum og prófum yfir skólaárið en þar eru skólar hvattir til að nota skalann 1 – 10, og svo mati við brautskráningu en þar skal nota kvarðan 4 til 10. Brautskráningarmatið skal byggt á verkefnum og prófum yfir allan veturinn.