Skagafjörður

Tindastóll og Stjarnan mættust í Garðabænum í kvöld í fjórða leik liðanna í undanúrslitarimmu liðanna í körfunni. Stólarnir gerðu sér lítið fyrir og snéru leiknum sér í hag í síðari hálfleik eftir erfiðan fyrri hálfleik. Lokatölur 97-103 að loknum geggjuðum körfuboltaleik og það verður því oddaleikur í Síkinu á miðvikudaginn.

Norðanliðin hófu leik í Íslandsmótunum í knattspyrnu í dag og í heildina var uppskeran þrjú stig. í 2. deildinni fengu Húnvetningar á sig sigurmark í uppbótartíma á Dalvík, lið Keflavíkur fór illa með Stólastúlkur í Lengjudeildinni en karlalið Tindastóls fór vel af stað í 3. deildinni og vann góðan sigur á Kópavogspiltum í Ými.

Lið Grunnskóla Húnaþings vestra kom sá og sigraði í fyrsta undanriðli Skólahreysti í fyrrakvöld en keppnin fór fram á Akureyri. „Við erum stolt og ánægð með þessa frábæru nemendur sem hafa lagt hart að sér í allan vetur og uppskera nú. Við hlökkum til að fylgjast með þeim á stóra sviðinu í maí,“ segir í tilkynningu á vef skólans.

Knattspyrnuliðin á Norðurlandi vestra hefja leik á morgun, laugardaginn 2. maí, og eiga bæði Tindastólsliðin heimaleik en Húnvetningar halda til Dalvíkur þar sem heimamenn í Dalvík/Reyni bíða þeirra og hefst leikurinn kl. 13. Þetta er þriðja sumar Kormáks/Hvatar í 2. deild. Kvennalið Tindastóls spilar í Lengjudeildinni í sumar og þær fá lið Keflavíkur í heimsókn kl. 17 en strákarnir taka á móti liði Ýmis kl. 14.

Ágæta launafólk! Í dag, 1. maí, á alþjóðlegum baráttudegi verkalýðsins, minnir hann okkur á að réttindi launafólks voru ekki gefin, þau voru unnin. Þau voru unnin með samstöðu, þrautseigju og kjarki fólks sem neitaði að sætta sig við óréttlæti.

Síðastur sveitarstjóranna á Norðurlandi vestra til að svara spurningum Feykis varðandi verkefni og framtíðarhorfur er Sigfús Ingi Sigfússon sveitarstjóri Skagafjarðar. Sigfús Ingi segir verkefni ársins vera fjölmörg, bæði stór og smá. Gert sé ráð fyrir að fjárfestingar á vegum sveitarfélagsins nemi tæpum 2 milljörðum króna á árinu 2026, nánar tiltekið fyrir 1.828 m.kr. brúttó eða 1.047 m.kr. nettó ef frá eru talin framlög frá ríki vegna hlutdeildar þeirra í framkvæmdum líkt og nýju menningarhúsi, stækkun verknámshúss FNV og nýrri ytri höfn á Sauðárkróki.

Sveitarstjórn Skagafjarðar samþykkti á 48. fundi sínum þann 22. apríl 2026 að auglýsa skipulagslýsingu fyrir breytingu á aðalskipulagi og nýtt deiliskipulag fyrir Furulundur 3-7 í Varmahlíð, Skagafirði. Tillagan er sett fram sem skipulagsuppdráttur ásamt greingargerð nr. SL01, verknúmer 56293200, dags. 14.04.2026 unnin á Stoð ehf. verkfræðistofu fyrir sveitarfélagið Skagafjörð.

Bóndanum á Stekkjarflötum í Austurdal brá í bún þegar hann hugaði að lambfé við bæinn í morgun, hafði þá refur drepið eitt stálpað lamb á túninu, hlutað það í sundur og borið höfuð þess á brott.

Þessa dagana stendur yfir Lýðræðisvika í Fjölbrautaskóla Norðurlands vestra. Fulltrúar allra framboðsflokka í sveitarstjórnarkosningum í Skagafirði mættu í pallborðsumræður í FNV á þriðjudaginn og kynntu sín stefnumál með sérstaka áherslu á málefni sem snerta ungt fólk.

Það verður uppistand í Ljósheimum við Sauðárkrók helgina eftir sveitarstjórnarkosningar en þá hyggst Dóri DNA mæta til leiks með gamansýninguna Feita hjartað. „Í sýningunni Feita hjartað kafar Dóri ofan í kviku tilverunnar og skoðar sjálfan sig að innan. Þar er margt að finna sem gaman er að segja frá og enn meira gaman að hlusta á,“ segir í kynningu á uppistandinu