Skagafjörður

Víða á túnum meðfram þjóðvegum landsins má sjá uppstilltar heyrúllur með skilaboðum um verðandi kosningar um aðildarviðræður að ESB. Eitthvað ber á að reynt sé að eiga við boðskapinn eftir á og er það auðvitað ekki lögum samkvæmt heimilt að fara leyfislaust inn á eignarlönd annarra. Erla Jónsdóttir á Skagaströnd segir svo frá á facebook síðu sinni:

Áhangendur nýs menningarhúss á Sauðárkróki hafa lengi beðið eftir að sjá einhverja framkvæmdahreyfingu á Flæðunum og nú virðast draumar þeirra vera að rætast. Þórður Hansen mætti með tæki og tól og hóf jarðvegsframkvæmdir vegna menningarhúss nú fyrir helgina og sagði Magnús Barðdal sveitarstjóri það vera virkilega ánægjulegt að sjá að loksins sé farið að vinna á svæðinu, þegar Feykir spurði hann út í málið.

Um 90 lið keppa nú á Króksmótinu á Sauðárkróki og mikil stemning verður á Króknum um helgina. Mótinu er ætlað drengjum í 6. og 7. flokki en einnig verður haldið fótboltafjör fyrir yngri systkini. Mótið hófst í gær, föstudaginn 7. ágúst og því lýkur á morgun, sunnudaginn 9. ágúst.

Í gær, föstudaginn 7. ágúst, fór fram toppslagur í 3. deild karla þar sem Reynir Sandgerði tók á móti liði Tindastóls. Leikurinn endaði 5-0 fyrir heimamenn og fleytti sigurinn Reynismönnum á topp deildarinnar en Stólunum í annað sætið. Tindastólsliðið frumsýndi jafnframt nýjan leikmann í leiknum.

Í 13. umferð lengjudeildar kvenna tóku Tindastólsstelpur á móti liði ÍA. Leikurinn fór fram í gærkvöldi, fimmtudaginn 6. ágúst og endaði hann 2-4 fyrir gestunum frá Akranesi. Tindastólsliðið frumsýndi tvo nýja leikmenn en þær dönsku Cecilie Lillesoe Esbak Pedersen og Sandra Pedersen eru tvíburar.

Helgina 15.-16. ágúst fer fram hin árlega Hólahátíð að Hólum í Hjaltadal. Hólahátíð barnanna verður á laugardeginum og er þá dagskrá fyrir börn og fjölskyldur.Lydía Einarsdóttir svæðisstjóri æskulýðsmála og Karl Lúðvíksson íþróttakennari sjá um dagskrána.

Atkvæðagreiðsla utan kjörfundar vegna þjóðaratkvæðagreiðslu um aðildarviðræður við ESB er hafin. Greiða má atkvæði utan kjörfundar á kjörstöðum innan umdæmisins sem hér segir: Blönduósi, aðalskrifstofu, Hnjúkabyggð 33, Blönduósi, virka daga, kl. 09:00 - 15:00. Sauðárkróki, sýsluskrifstofu, Suðurgötu 1, Sauðárkróki, virka daga, kl. 09:00 - 15:00. Hvammstanga, ráðhúsi Húnaþings vestra að Hvammstangabraut 5, Hvammstanga, mánudaga - fimmtudaga kl. 10:00 - 14:00 og föstudaga kl. 10:00 - 12:00. Skagaströnd, stjórnsýsluhúsi að Túnbraut 1-3, Skagaströnd, mánudaga - fimmtudaga kl. 09:00 - 12:00 og 13:00 - 15:00, frá og með mánudeginum 17. ágúst 2026.

Norðurland er fjölbreyttasta svæði landsins utan höfuðborgarsvæðisins. Akureyri er öflug menningar- og þjónustumiðstöð. Eyjafjörður og Skagafjörður eru meðal bestu landbúnaðarsvæða landsins. Dalvík, Siglufjörður og Húsavík byggja á sjávarútvegi og ferðaþjónustu. Og víða á svæðinu er verið að þróa orkuverkefni og nýsköpun.

Nú styttist í þjóðaratkvæðagreiðslu þar sem kosið eru um hvort að halda eigi áfram aðildarviðræðum við Evrópusambandið. Áfram Ísland boðar til opins fundar á Frímúrarasalnum Borgarmýri 1 á Sauðarkróki, laugardaginn 8. ágúst kl. 17:30. Fundurinn er öllum opinn en skráning er nauðsynleg.

Íslandsmótið í golfi 2026 fer fram dagana 6.–9. ágúst á Korpúlfsstaðavelli í Reykjavík. Mótið er eitt af stærstu golfmótum ársins og koma allir bestu kylfingar landsins saman til að sýna hæfileika sína. Golfklúbbur Skagafjarðar sendir þrjár stelpur til leiks í ár: þær Önnu Karen Hjartardóttir, Dagbjörtu Sísí Einarsdóttur, sem er nýkrýndur klúbbmeistari GSS, og Unu Karen Guðmundsdóttur.