Ljósmyndavefur

Stórsýningin Íslenskur landbúnaður 2026 var haldin í Laugardalshöll-inni í Reykjavík 9.-11. október 2026. Feykir komst ekki hjá því að uppgötva að Króksarinn Benedikt Rúnar Egilsson (sem flestir þekkja sem Benna í Bílabúðinni þó hann vinni þar ekki lengur) væri einn af þeim aðilum sem ætlaði að kynna vörur og þjónustu á sýningunni. Á leiðinni suður bárust honum því skilaboð þar sem hann var spurður hvort hann gæti tekið að sér að smella myndum af sýningunni fyrir Feyki og ekki síst ef hann rækist á kunnugleg andlit. Það reyndist sjálfsagt mál og þegar myndirnar bárust í tugatali þá varð ekki hjá því komist að spyrja hann aðeins út í bissnesinn og sýninguna.

Í gær fór fram á Sauðárkróki Fjölskylduhlaup í tilefni af Gulum september en gulur er litur sjálfsvígsforvarna. Hlaupið var frá sundlauginni en einnig máttu þátttakendur ganga eða hjóla. Ágæt þátttaka var í hlaupinu en þó mögulega heldur færri en árið á undan. Feykir var á staðnum og smellti nokkrum myndum af hlaupagikkum af ýmsu tagi.

Þessar vikurnar er réttað út um víðan völl ef svo má segja. Fjárréttir verða á átta stöðum dagana 12. til 14. september í Skagafirði og réttað verður í Kleifnarétt í Fljótum í dag. Þá verður réttað á sjö stöðum í Húnavatnssýslum 11.-14. september en réttað er í Sveinsstaðarétt í Austur-Hún í dag og hófust réttarstörf þar reyndar kl. 10 í morgun.

Hinir árlegu tónleikar í Bifröst sem ganga undir nafninu Græni salurinn fóru fram síðasta laugardaginn í júní. Það voru tólf atriði sem stigu á svið og venju samkvæmt var góð stemning og gestir og flytjendur skemmtu sér hið besta. Meðal þeirra hljómsveita sem létu ljós sitt skína var Vænott sem er skipuð brottfluttum Skagfirðingum en þar er Baldvin Ingi Símonarson innsti koppur í búri. Feykir spurði hann út í tónleikana og hljómsveitina.

„Rabarbarahátíðin í ár gekk alveg frábærlega. Það var blíðskaparveður á Blönduósi og mikil og góð þátttaka í öllum dagskrárliðum,“ segir Iðunn Vignisdóttir, einn af forsprökkum hátíðarinnar, þegar Feykir spurðist fyrir um hvernig hefði tekist til. Hátíðin var haldin í þriðja sinn síðastliðinn laugardag og rabarbarinn að sjálfsögðu í hávegum hafður.

Sæluvikan hefur farið vel af stað og áfram heldur veislan í dag. Að vísu hefur áður auglýstum tónleikum Kvennakórsins Sóldísar sem fara áttu fram í kvöld á Hofsósi verið frestað og verða haldnir 21. apríl. Í dag verður opið í Safnahúsi Skagfirðinga þar sem hægt að skoða sýninguna í tilefni af 100 ára afmæli Indriða G. Þorsteinssonar og þá er opið í Vatnaveröld, smábátasafninu á Húsabakka frá kl. 13. Hlaupahópurinn 550 rammvilltar og Fætur toga verða með kynningu og hlaupaæfingu kl. 16:30 í FNV.

Árshátíð Kaupfélags Skagfirðinga var haldin sl. laugardagskvöld og er alveg óhætt að segja að öllu hafi verið tjaldað til þegar Síkinu á Sauðárkróki var bókstaflega breytt í höll. Gestir mættu á rauða dreg-ilinn og ekki nokkur leið að þekkja íþróttahúsið og ætlar blaðamaður að leyfa sér að fullyrða að svona hafi Síkið aldrei litið út.

Það styttist óðfluga í fyrsta vetrardag en við getum nú varla verið annað en þakklát fyrir að mestu yndælt sumarveður sem oftar en ekki var bæði stillt og milt. Ef veðurspár næstu daga eru skoðaðar er ekki annað að sjá en að sæmilega milt veður sé í kortunum og skríður jafnvel yfir tíu gráðurnar um helgiina. Smalamennsku er að mestu lokið og almenn réttarstörf en Feykir falaðist eftir myndum hjá Eydísi Ósk sem myndaði af lipurð smalamennsku og réttarstörf á Vatnsnesinu.

Tindastóll og Víkingur Ólafsvík mættust í gærkvöldi í útslitaleik Fótbolta.net bikarsins og var leikið á Laugardalsvelli. Það má kannski segja að helgin hafi verið knattspyrnufólki í Tindastóli nokkuð erfið en það fór svo að Ólsarar höfðu betur í leiknum og í dag varð það síðan ljóst að kvennalið Tindastóls fellur um deild eftir að vinir okkar í Fram unnu sinn leik gegn FHL.

Íslenska landsliðið í körfubolta hefur staðið sig með ágætum á EuroBasket sem fram fer m.a. í Póllandi þessa dagana. Góðar frammistöður hafa þó ekki enn skilað langþráðum sigurleik á stórmóti. Réttlætiskennd Íslendinga var síðan stórlega misboðið á sunnudag þegar Ísland varð að lúffa fyrir vanhæfu dómaratríói sem virtist hafa það eina markmið að tryggja pólsku heimaliði sigurinn – sem þeim tókst því miður. Feykir hafði samband við Palla Friðriks sem er á staðnum auk hátt í 200 Skagfirðinga.