Sólbjartur og skýin
Sólbjartur Jakobsson hefur stundað sauðfjárbúskap í yfir 50 ár. Nýlega lét hann af störfum og festi kaup á íbúð í fjölbýlishúsi á Sauðárkróki. Þar ætlar hann að una sér vel á efri árunum og kveðst ætla tileinka sér tölvutæknina eins og kostur er. Sólbjartur hafði samband við dreifarann og kvaðst hafa verulegar áhyggjur af þróun mála í tölvutækninni.
Jæja Sólbjartur, hvað er að frétta? -Það er nú mest lítið... og þó. Ég keypti mér nú tölvugarm í fyrsta sinn fyrir tveimur vikum síðan. Maður er nú bara svona rétt að læra á þetta en ég hef nú lítið annað að gera með tímann. Kominn með ágætis vald á músinni, þetta eru náttúrulega djöfulsins fínhreyfingar allt og ekki svo auðvelt að hitta á réttan hnapp. En aðal byltingin fyrir mér er þessi veraldarvefur. Maður þurfti alltaf að bíða eftir Morgunblaðinu hér áður fyrr en nú fær maður þetta allt barasta beint í æð. Svo ég tali nú ekki um allar dömurnar hérna... hérna á Internetinu sjáðu til.
Það var samt eitthvað sem þú varst óánægður með? -Jú, þannig er mál með vexti að þegar ég verslaði tölvugarminn þá var prangað inn á mig einhverri andskotans skýjaþjónustu. Sölumaðurinn tjáði mér að innifalið væri eitthvað sem hann kallaði 2 terrabæta gagnamagn og svo sagði hann að gögnin sem ég vildi geyma væru örugglega vistuð í skýjunum! Meiri vitleysan að láta pranga þessu inná sig, maður er nú svo vitlaus í þessu öllu saman!
En Sólbjartur, er þessi skýjaþjónusta ekki bara það sem koma skal? -Vertu nú rólegur vinurinn, þið unga kynslóðin haldið alltaf að allt nýtt sé af hinu góða og að við gamlingjarnir séum bara alveg úti á túni. En málið er ekki svona einfalt þegar betur er að gáð, ég hef nefnilega hugsað þetta í þaula!
Nú hvað meinarðu, vantar þig ekki bara að læra betur á þetta? -Bíddu rólegur. Ég hef nú fylgst með veðrinu í 55 ár vinur minn og það segir mér enginn hvernig þessi ský haga sér frá degi til dags. Það kemur nú fyrir að það er heiðskírt, hvar eru gögnin mín þá, hafa þau kannski glatast? Svo var mér tjáð að ég megi ekki sækja meira en 20GB til útlanda, erlent niðurhal kallast það hérna í samningnum. Það verður nú fljótt að klárast þegar helvítis norðanáttin hefur þeytt skýjunum eitthvað út í buskann, til Þýskalands, já eða þarna til ESB-landanna eða guð veit hvert. Og hvað gerist með gögnin þegar það kemur hellirigning, nú eða þrumuveður? Nei, þetta er bara ekki að ganga upp.
Nú held ég að þú sért eitthvað að misskilja Sólbjartur. -Ég er ekkert að misskilja neitt. Eitt get ég sagt þér vinur minn, ég ætla mér ekki að fara liggja yfir veðurfréttum allan liðlangan daginn til þess eins að athuga hvort hægt verði að vista eða sækja gögnin mín á komandi dögum. Þetta er bara rugl.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.