150 ár frá fæðingu Jóns Ósmanns
Í dag 6. nóvember er 150 ára árstíð Jóns Magnússonar sem tók sér millinafnið Ósmann og er þekktastur fyrir að hafa starfað sem ferjumaður yfir Vesturós Héraðsvatna í Skagafirði. Jón fæddist árið 1862 á bænum Utanverðunesi í Hegranesi og var næstelstur fimm barna Magnúsar Árnason og Sigurbjargar Guðmundsdóttur sem komust á legg.
Í ritgerð Írisar Gyðu Guðbjargardóttur sem fjallar um Jón Ósmann og var lokaverkefni hennar til M.A. prófs, er m.a. að finna eftirfarandi:
„Faðir Jóns sá um lögferju við Vesturós Héraðsvatna, en löngum fylgdi ferjumannastarfið tilteknum jörðum. Jón hjálpaði honum við það starf frá því að hann var unglingur og sá alfarið um ferjuna á fullorðinsárum allt til dauðadags. Jón var mjög bráðþroska og var strax á unglingsárum með hæstu mönnum. Segir sagan að hann hafi verið um og yfir tvo metra. Þegar Jón fermdist fékk hann eftirfarandi vitnisburð frá prestinum: „Kann dável, skilur vel, les vel; hegðar sér dável.“
Nokkrir afkomenda Jóns við afhjúpun á minnisvarðanum við Vesturósinn árið 2009. Mynd: Sigurður Ósmann Jónsson
Jón var talinn með fríðustu og karlmannlegustu mönnum sem Ísland hafði alið af sér. Margir höfðu á orði að hann minnti á hetjur og afreksmenn fornaldar; þá var Skarphéðinn nefndur til samanburðar.
Til eru lýsingar vina og samferðamanna Jóns af líkamsbyggingu og persónu hans. Steinunn Jónsdóttir Inge (1874-1974) var í vist á bænum Garði í Hegranesi, skammt frá Utanverðunesi, frá 1889-1891. Hún lýsir Jóni svo: „Jón var yfir sex fet á hæð, herðabreiður mjög og svaraði sér vel, teinréttur á velli, ágætur sundmaður og með afbrigðum góður glímumaður, snar í snúningum. Hann hafði sérstaklega falleg og góðmannleg augu, hátt enni og dökkjarpt hár. Þegar ég þekkti hann, rakaði hann sig en hafði skegg á efri vörinni. Hann var alltaf glaður og spaugsamur, en spaug hans líka oft alvöruþrungið. Hann var hagmæltur og hafði gott vit á skáldskap. Hann var listaskytta og skaut margan selinn.“
Hægt er að nálgast ritgerð Írisar HÉR
Fleiri fréttir
-
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira -
Fjögur verkefni á Norðurlandi vestra fengu styrki
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 25.06.2025 kl. 07.37Fjórar umsóknir frá Norðurlandi vestra fengu brautargengi við aðra úthlutun úr Hvatasjóði íþróttahreyfingarinnar. Alls barst 91 umsókn í sjóðinn upp á rúmar 128 milljónir króna. Samþykktar voru 72 umsóknir og úthlutað tæpum 38,5 milljónum króna.Meira -
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira
