Fjórða tap Tindastóls í fjórum leikjum
Leikið var á fagurgrænum Sauðárkróksvelli í gærkvöldi en mættust lið Tindastóls og Dalvíkur/Reynis í 2. deild karla í knattspyrnu. Eyfirðingum var spáð sæti um miðja deild í spá þjálfara á Fótbolti.net en Stólunum, eins og áður hefur komið fram, neðsta sæti. Niðurstaðan í leiknum var því eftir bókinni en gestirnir höfðu á endanum betur og sigruðu 1-2.
Ekkert var skorað í fyrri hálfleik en Stólarnir urðu fyrir áfalli eftir rúmlega hálftíma leik en þá var Spánverjanum Alvaro Igualada vísað af velli, fékk beint rautt. Í framhaldinu fékk Yngvi Borgþórs, þjálfari Tindastóls, gult spjald og einn varamaður Stólanna, Aron Örn Sigurðsson, fékk að fylgja Alvaro í sturtu, fékk sömuleiðis rautt. Fram að þessu hafði lið Tindastóls verið heldur sterkari aðilinn í leiknum og voru það fram að hléi.
Eyfirðinum gekk illa að nýta sér liðsmuninn í síðari hálfleik og það var ekki fyrr en á 73. mínútu sem þeir brutu ísinn en þá skoraði Joan De Lorenzo Jimenez eftir klaufagang í vörn Tindastóls. Tindastólsmenn gáfust ekki upp og Benjamín Gunnlaugarson jafnaði metin úr víti á 84. mínútu en aðeins þremur mínútum síðar gerði Jóhann Sigurjónsson sigurmark leiksins og aftur voru Stólarnir sjálfum sér verstir.
Svekkjandi tap fyrir Tindastólsmenn sem í raun áttu ágætan leik og hefðu átt skilið að fá meira út úr honum. Liðið er engu að síður enn stigalaust eftir fjórar umferðir – líkt og í fyrrasumar – sem er að sjálfsögðu áhyggjuefni en verra er að liðinu gengur afleitlega að skora, aðeins búið að gera eitt mark í leikjunum fjórum.
Næsti leikur er gegn liði KFG (Knattspyrnufélags Garðabæjar) á Samsung-vellinum í Garðabæ laugardaginn 1. júní en lið KFG hefur farið ágætlega af stað í sumar.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.