Farga í Varmahlíð opnuð í gær
Ný sorpmóttökustöð var opnuð í Varmahlíð í fallegu vetrarveðri í gær en það eru sveitarfélögin í Skagafirði sem standa að opnun hennar. Nafnið Farga varð hlutskarpast í kosningu íbúa og ber því það nafn í framtíðinni. Framkvæmdir hófust í byrjun sumars og segir á heimasíðu Svf. Skagafjarðar að um mikið framfaraskref sé að ræða í flokkun sorps í dreifbýli Skagafjarðar.
„Með því að auka flokkun og endurvinnslu og draga úr urðun eins og lagt er upp með í þessari nýju og glæsilegu móttökustöð, þá standa vonir okkar til þess að nýjar leiðir verði ekki aðeins betri fyrir umhverfið, heldur einnig fyrir íbúana. Stefnumörkun stjórnvalda hér heima og erlendis er sú að notendur standi undir kostnaði við förgun þess úrgangs sem þeir bera ábyrgð á. Það er því allra ávinningur að flokka og minnka magn þess úrgangs sem fer í urðun og draga þannig úr kostnaði og spara auðlindir, umhverfinu og íbúum til hagsbóta,“ sagði Sigfús Ingi Sigfússon sveitarstjóri við opnunina.
Inga Huld afhendir Sigríði Stefánsdóttur blómvönd. Mynd: Skagafjordur.is.
Leitað var til íbúa Skagafjarðar um nafn á móttökustöðina og bárust 62 tillögur en fram kemur á skagafjordur.is að kosið hafi verið um fimm álitlegustu nöfnin að mati umhverfis- og samgöngunefndar og bárust yfir 700 atkvæði í kosningunni. Það var Sigríður Stefánsdóttir frá Víðimýri sem sendi inn tillögu að nafninu og fékk að launum blómvönd sem Ingibjörg Huld Þórðardóttir, formaður umhverfis- og samgöngunefndar, færði henni um leið og nafnið var opinberað við opnun Förgu.
Á opnunartíma Förgu móttökustöðvar munu starfsmenn leiðbeina og aðstoða íbúa við flokkun sorps á stöðvunum. Einnig verður aðgengi að afmörkuðum gám utan opnunartíma en til að byrja með verður eingöngu hægt að afsetja heimilissorp þar.
Sjá nánar HÉR
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.