Háskólinn á Hólum hlýtur þrjá styrki úr Rannsóknasjóði
Rannsóknasjóður úthlutaði nýlega styrkjum til nýrra rannsóknaverkefna fyrir árið 2019. Að þessu sinni bárust 359 gildar umsóknir í Rannsóknasjóð og var 61 verkefni styrkt eða um 17%. Verkefni á vegum Háskólans á Hólum hlutu þrjá styrki sem nema samtals rúmum 93 milljónum króna.
Hæsta styrkinn sem úthlutað var, rúma 51 millljón króna, hlaut verkefni sem dr. Bjarni Kristófer Kristjánsson, deildarstjóri og prófessor við Fiskeldis- og fiskalíffræðideild Háskólans á Hólum, leiðir. Yfirskrift verkefnisins er Samþætting vist-, þróunar- og þroskunarfræðilegra þátta til mótunar á líffræðilegri fjölbreytni: Hornsíli í Mývatni sem líkan. Styrkur þessi flokkast sem öndvegisstyrkur en þeir eru ætlaðir til umfangsmikilla rannsóknarverkefna sem eru líkleg til að skila íslenskum rannsóknum í fremstu röð á alþjóðavettvangi, að því er segir á vef Rannís.
Tvö verkefni sem leidd eru af starfsmönnum Háskólans á Hólum hlutu verkefnisstyrki en þeir eru veittir til rannsóknarverkefna. Voru það annars vegar verkefnið Þróun vitsmuna: Rannsókn á samsvæða afbrigðum bleikju (Salvelinus alpinus), sem dr. David Roger Ben Haim, dósent við Fiskeldis- og fiskalíffræðideild, stýrir. Það hlaut styrk að upphæð 19,5 milljónir. Hitt verkefnið ber titilinn Þróun og stjórn litabreytileika sjávarsnigilsins (Buccinum undatum) og nam styrkupphæðin til þess 22,5 milljónum króna. Því verkefni er stýrt af dr. Erlu Björk Örnólfsdóttur, rektor skólans.
Rannsóknasjóður hefur það hlutverk að styrkja vísindarannsóknir og rannsóknartengt framhaldsnám á Íslandi og styrkir í því skyni nemendur í rannsóknartengdu framhaldsnámi og skilgreind rannsóknarverkefni einstaklinga, rannsóknarhópa, háskóla, rannsóknastofnana og fyrirtækja.
Styrkirnir sem sjóðurinn veitir skiptast í verkefnisstyrki, öndvegisstyrki, rannsóknastöðustyrki og doktorsnemastyrki og eru þeir veittir í allt að 36 mánuði.
Nánar má lesa um úthlutunina á vef Rannís.
Fleiri fréttir
-
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira -
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.