Krakkarnir brillera en reiknimeistarar klúðra
Herra Hundfúll fylgdist með keppni í Skólahreysti með öðru auganu nú á laugardaginn. Hann gladdist talsvert yfir gengi skólanna á Norðurlandi vestra. Varmhlíðingar voru sendir upp á svið til að taka við verðlaunum fyrir þriðja sætið en nemendur Grunnskóla Húnaþings vestra enduðu í fjórða sæti en með jafnmörg stig og Varmahlíðarskóli. En svo var farið að reikna ... aftur...
Lokaútreikningar urðu á þann veg að Flóaskóli tók þriðja sætið og hefðu nemendur skólans með réttu átt að standa á palli og taka við verðlaunum. Við þetta féllu Varmahlíðarskóli og Grunnskóli Húnaþings vestra niður um sæti. Varmahlíðarskóli endaði með 40 stig en GHV hlaut 38 stig.
Nú er þetta að sjálfsögðu grátlegt að flýtirinn við að reikna saman úrslit sé svo mikill að enn og aftur verða mistök við útreikninga úrslitanna. Ekki er langt síðan að skóli fyrir austan hlaut þriðju verðlaun í undanriðli en þegar betur var að gáð átti Varmahlíðarskóli að vera í þriðja sætinu. Krakkarnir að austan því sviptir sínum verðlaunum á leiðinni út í rútu.
Kannski væri betra að flýta sér ekki alveg svona mikið, bjóða upp á eitt eða tvö góð skemmtiatriði fyrir spennta krakkana áður en úrslit eru kynnt og gera ekki svona leiðinleg mistök. Nú er Landsbankinn helsti styrktaraðili þessarar frábæru keppni. Kannski ekki heppilegt fyrir þann aðila að útreikningar á stigagjöf skólanna séu í tómu klúðri.
Herra Hundfúlum finnst þetta bara alls ekki nógu gott og það getur ekki verið flókið að hafa þetta í lagi. En takk fyrir skemmtilega keppni.
Fleiri fréttir
-
Skagstrendingar óttast að hækkun veiðigjalda ýti undir sölu aflaheimilda frá staðnum
feykir.is Austur-Húnavatnssýsla, Lokað efni 27.05.2025 kl. 16.46Í frétt á vef SSV er sagt frá því að þegar skoðað er hvernig hækkun veiðigjalds gæti hækkað eftir stærð fiskiskipa, í veiðimagni talið, kemur í ljós að hún er hlutfallslega mest hjá þeim smæstu. Það eru þau sem veiða á bilinu 1 til 349 tonn á ári en þetta leiða útreikningar í ljós. Lítill kvóti er eftir til skiptanna á Skagaströnd og Feykir spurði Halldór Gunnar Ólafsson oddvita á Skagaströnd hvort sveitarstjórn hefði áhyggjur af hækkun veiðigjalda í ljósi þessa.Meira -
Emma og Júlía gera gott mót í Sandefjord
feykir.is Skagafjörður, Íþróttir, Lokað efni 27.05.2025 kl. 15.07Tveir keppendur frá badmintondeild Tindastóls tóku í vikunni þátt í Sandefjord Open mótinu sem fer fram í bænum Sandefjord í Noregi. Keppendur á mótinu eru 360 talsins en mótið stendur yfir í þrjá daga. Systurnar Emma Katrín og Júlía Marín tóku þátt í sex greinum, náðu í eitt gull, eitt silfur og eitt brons.Meira -
Allir með
feykir.is Skagafjörður, Austur-Húnavatnssýsla, Íþróttir, Aðsendar greinar 27.05.2025 kl. 13.26UMSS, Svæðisstöðvar íþróttahéraða og Íþróttasamband fatlaðra (ÍF) boða til vinnustofu fyrir forsjáraðila, íþróttaþjálfara, starfsfólk skóla og áhugafólk um íþróttir. Á vinnustofunni ætlum við að ræða hvernig við getum komið af stað skipulögðum æfingum eða komið fötluðum og þeim sem finna sig ekki í almennum íþróttum betur inn í það íþróttastarf sem er nú þegar í boði í Skagafirði.Meira -
Magga Steina vígð til djákna í Hóladómkirkju
feykir.is Skagafjörður, Mannlíf, Lokað efni 27.05.2025 kl. 13.05Það var merkur dagur á sunnudaginn þegar Margrét Steinunn Guðjónsdóttir var vígð til djákna í Reykjavíkurprófastdæmi vegna starfa sinna á Löngumýri við orlof eldri borgara. Í fallegri afhöfn í Hóladómkirkju, sem sr. Gísli Gunnarsson vígslubiskup leiddi, voru þjónandi prestar í Skagafirði, Anna Hulda djákni og fleiri sem tóku þátt, en sr. Bryndís Malla prófastur í Reykjavíkurprófasdæmi lýsti vígslunni.Meira
