Lionsklúbbur Sauðárkróks gefur HSN Sauðárkróki veglegar gjafir | Aðsend grein
Mánudaginn 13. apríl mættu nokkrir Lionsmenn á Króknum á HSN Sauðárkróki og færðu stofnuninni glaðloftstæki af fullkomnustu gerð að gjöf. Fyrr í vetur voru Lionsmenn búnir að gefa endurhæfingunni nýtt hlaupabretti. Samtals kostuðu þessar gjafir 2.360.000 kr. Eyjólfur formaður klúbbsins sagði við afhendinguna að það væri ósk félaga í klúbbnum að þessar gjafir væru nýttar sem best. Hlaupabrettið nýtist öllum sem þurfa á endurhæfingu að halda og glaðloftstækið er hugsað fyrir fólk sem er kvíðið fyrir smærri læknisfræðilegum inngripum s.s bólusetningum, meðferð skurðsára o.fl. Við tækifærið þakkaði Eyjólfur formaður öllum þeim fyrirtækjum og stofnunum sem fengið höfðu Lionsmenn til að mála fyrir sig bílstæðalínur. Án stuðnings þessara fyrirtækja væri okkur ekki kleift að gefa gjafir sem þessar.
Sigurbjörg Ólafsdóttir yfirlæknir, Kristrún Snjólfsdóttir yfirhjúkrunarfræðingur og Fanney Ísfold Karlsdóttir yfirsjúkraþjálfari tóku á móti gjöfunum. Sigurbjörg þakkaði kærlega fyrir þessar góðu gjafir. Sagði jafnframt að þær kæmu örugglega að góðum notum hjá stofnuninni. Fanney sjúkraþjálfari sagði að hlaupabrettið væri sérhannað fyrir sjúkraþjálfun. Það væri mjög hentugt, mjúkt að ganga á því og einfalt í notkun.
Félagar í Lionsklúbbi Sauðárkróks hvetur alla þá sem vilja leggja samfélaginu lið með okkur að kynna sér starfsemi klúbbsins.
f.h. Lionsklúbbs Sauðárkróks,
Eyjólfur Sigurðsson, formaður
Alfreð Guðmundsson, ritari
Sigurbjörn Bogason, gjaldkeri
Fleiri fréttir
-
Öflugt starf | Frá Flugbjörgunsveitinni í Varmahlíð
feykir.is Skagafjörður, Aðsendar greinar, Mannlíf 15.04.2026 kl. 09.50Aðalfundur félagsins var haldinn 14.apríl við góða mætingu. Stjórnin byrjaði kvöldið á að grilla ofan í félaga og síðan var farið í gegnum hefðbundin aðalfundarstörf. Guðmundur Guðmundsson stjórnarmeðlimur gekk úr stjórn og þökkum við honum fyrir óeigingjarnt starf í þágu félagsins.Meira -
„Við þurfum að vera klárir í þennan slag“
feykir.is Skagafjörður, Íþróttir, Lokað efni 15.04.2026 kl. 09.26Það varð ljóst í gærkvöldi hverjir yrðu andstæðingar Tindastóls í undanúrslitum Bónus deildarinnar í körfubolta. Þá áttust við lið KR og Stjörnunnar í hreint ótrúlegum tví framlengdum leik í Vesturbænum en það fór svo að lokum að Stjarnan hafði betur, 115-118. Stólarnir, sem enduðu í öðru sæti í deildinni, mæta því Stjörnunni, sem endaði í þriðja sæti, í undanúrslitum og verður fyrsti leikur liðanna því í Síkinu.Meira -
KFNV skorar á ríkisstjórnina að hætta árásum á landsbyggðina
feykir.is Skagafjörður, Austur-Húnavatnssýsla, Vestur-Húnavatnssýsla 15.04.2026 kl. 08.13Tuttugasta og sjötta kjördæmisþing Kjördæmasambands Framsóknarmanna í Norðvesturkjördæmi fór fram að Laugum í Sælingsdal dagana 11.-12. aptíl. Sendi þingið frá sér stjórnmálaályktun þar sem skorað er á ríkisstjórnina að hætta árásum á landsbyggðina.Meira -
Málþing um stöðu og framtíð smáframleiðenda í Miðgarði
feykir.is Skagafjörður, Austur-Húnavatnssýsla, Vestur-Húnavatnssýsla 15.04.2026 kl. 08.02Samtök sveitarfélaga á Norðurlandi vestra og Farskólinn - miðstöð símenntunar á Norðurlandi vestra standa fyrir málþingi um stöðu og framtíð smáframleiðenda laugardaginn 18. apríl næstkomandi klukkan 10:00 - 15:00 í Miðgarði í Varmahlíð. Nánari dagskrá málþingsins er hér.Meira
