LH lýsir yfir vonbrigðum með að þrefaldur heimsmeistari hafi ekki verið tilnefndur til íþróttamanns ársins
Stjórn Landssambands hestamannafélaga sendi frá sér yfirlýsingu fyrr í dag þar sem lýst er yfir óánægju með tilnefningar Samtaka íþróttafréttamanna til íþróttamanns ársins. Finnst stjórninni jólakveðjur Samtaka íþróttafréttamanna til hestamanna heldur kaldar þar sem gengið er freklega fram hjá þreföldum heimsmeistara í hestaíþróttum, Skagfirðingnum Jóhanni Rúnari Skúlasyni, sem ætti að vera þess umkominn að komast á lista þeirra 10 íþróttamanna sem tilnefndir eru til íþróttamanns ársins, og tilkynnt var í morgun.
„Heldur eru jólakveðjur Samtaka íþróttafréttamanna til okkar hestamanna kaldar. Íþróttafréttamenn telja afreksknapann, þrefaldan heimsmeistara í hestaíþróttum Jóhann Rúnar Skúlason ekki þess umkominn að vera á lista þeirra 10 íþróttamanna sem hafa unnið stór afrek á árinu. Landsliðið okkar kemst ekki á blað sem lið ársins þrátt fyrir besta árangur frá upphafi. Landsliðsþjálfarinn kemst heldur ekki á blað.
Oft höfum við hestamenn eygt von um að afrek okkar landsliðsknapa hafi verið rétt metin en svo hefur ekki verið um árabil. Nú bar svo við að afrek Jóhanns Rúnars Skúlasonar er þess eðlis að einstakt telst. Ekki vann hann einungis þrjá heimsmeistaratitla á HM í Berlín í sumar, hann fékk einnig sérstök verðlaun fyrir frábæra reiðmennsku á mótinu.
Það eru okkur mikil vonbrigði að íþróttafréttamenn opinberi með svo augljósum hætti vankunnáttu og eða áhugaleysi á hestaíþróttum sem raun ber vitni. Þessi niðurstaða kastar óverðskuldaða rýrð á hestamennsku sem íþróttagrein en gjaldfellir þó meira störf íþróttafréttaritara.
Landssamband hestamannafélaga hefur unnið ötullega að afreksmálum undanfarin ár svo eftir hefur verið tekið. Við teljum að það sé nauðsynlegt að Íþróttasamband Íslands endurskoði það fyrirkomulag sem viðhaft er við árlegt val á íþróttamanni ársins og því komið í faglegan farveg þar sem tryggt sé að íþróttagreinar sitji við sama borð en sé ekki háð áhuga og þekkingu íþróttafréttaritara.
Landssamband hestamannafélaga óskar landsmönnum gleðilegra jóla.
F.h. Landssambands hestamannafélaga
Lárus Ástmar Hannesson
formaður.“
Feykir tekur heilshugar undir með Landssambandi hestamannafélaga en HÉR er hægt að nálgast viðtal Feykis við Jóhann frá því í sumar.
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.