Göngum í skólann verkefnið sett á Króknum
Árskóli á Sauðárkróki hýsir setningu Göngum í skólann þetta skólaárið. Setningin verður á íþróttavellinum á Króknum nú á eftir, föstudaginn 4. september kl. 10:20, og væntanlega er öllum velkomið að mæta. Skólastjóri býður gesti velkomna, fulltrúi frá ÍSÍ segir nokkur orð, sveitarstjóri ávarpar samkomuna og lögreglan flytur stutt erindi um umferðaröryggi.
Að lokinni setningu ganga nemendur, starfsfólk og gestir saman stuttan hring í nágrenninu.
Um verkefnið
Undanfarin ár hefur starfsfólk Fræðslu- og almenningsíþróttasviðs ÍSÍ farið um landið og sett Göngum í skólann og Ólympíuhlaup ÍSÍ. Í gær var Ólympíuhlaup ÍSÍ sett í Fjallabyggð og setning Göngum í skólann verður sem fyrr segir í Árskóla.
Meginmarkmið Göngum í skólann er að hvetja nemendur og foreldra til að ganga, hjóla eða nota annan virkan ferðamáta til og frá skóla. Verkefnið stuðlar að aukinni hreyfingu og fræðslu um ávinning reglulegrar hreyfingar fyrir heilsu og vellíðan.
Jafnframt er markmið að:
- efla færni barna til að ferðast á öruggan hátt til skóla
- kenna reglur um umferðaröryggi
- draga úr umferð við skóla
- stuðla að betra lofti og öruggara nærumhverfi
- auka vitund um umhverfismál og „gönguvænt“ nærumhverfi
Fleiri fréttir
-
Búið að velja Gettu betur æfingahóp FNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 04.09.2026 kl. 14.36Tólf nemendur þreyttu nýverið úrtökupróf fyrir Gettu betur lið Fjölbrautaskóla Norðurlands vestra. Þau sem komust áfram og munu æfa saman eru Lára Sigurðardóttir, Snædís Katrín Konráðsdóttir, Ingimar Eyberg Ingólfsson og Emma Katrín Helgadóttir sem eru öll Króksarar og síðan Hafþór Ingi Brynjólfsson frá Fagranesi og Halldór Stefánsson frá Þverá.Meira -
Vegagerðin boðar til fundar vegna Vatnsnesvegar
feykir.is Vestur-Húnavatnssýsla 04.09.2026 kl. 12.22Á heimasíðu Húnaþings vestra er vakin athygli á íbúafundi sem Vegagerðin boðar til á Hótel Hvítserki þann 10. september nk. kl. 17:00. Fundarefnið er fyrirhugaðar framkvæmdir á Vatnsnesi, frá Skarði í vestri að Hringvegi í austri.Meira -
Nautakjötspottréttur og smákökur | Matgæðingur Feykis
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 04.09.2026 kl. 10.59Matgæðingurinn í tbl. 14 á þessu ári var Stella Hrönn Jóhannsdóttir og ólst hún upp í Keflavík í Hegranesi. Eins og fleiri fluttist hún úr firðinum eftir framhaldsskóla og settist að sunnan heiða og hefur búið í Hveragerði í rúm 20 ár.Meira -
Treyjudagurinn er í dag og við erum öll í sama liði!
feykir.is Skagafjörður, Austur-Húnavatnssýsla, Vestur-Húnavatnssýsla 04.09.2026 kl. 09.35Á Íslandi greinist að meðaltali eitt barn í hverjum mánuði með krabbamein. Á Treyjudeginum klæðist fólk uppáhaldstreyjunni sinni til stuðnings börnum með krabbamein og fjölskyldum þeirra. Dagurinn hefur verið haldinn í Danmörku, Svíþjóð og Noregi um árabil en þetta mun vera í fyrsta sinn sem haldið er upp á daginn á Íslandi.Meira -
Eldur, járn, náttúra og vatn | Vel heppnað eldsmíðanámskeið fyrir konur í Skagafirði
feykir.is Skagafjörður, Aðsendar greinar 04.09.2026 kl. 09.08Í sumar var haldið sérstakt eldsmíðanámskeið við Fjölbrautaskóla Norðurlands vestra á Sauðárkróki fyrir konur 21 árs og eldri. Námskeiðið bar heitið Eldsmíðanámskeið eða Ironwork, Earth and Water og var unnið innan Erasmus+ rammans. Markmiðið var að sameina verklega kennslu í Eldsmíði við upplifun af íslenskri náttúru, menningu og þeirri sérstöðu sem Skagafjörður hefur upp á að bjóða.Meira
