Gul viðvörun í dag og appelsínugul í kvöld og nótt
Veðrið í haust hefur verið upp og ofan en það er þó fyrst nú í dag sem Veðurstofan gerir ráð fyrir vonskuveðri með appelsínugulum viðvörunum og látum. Gul viðvörun tekur gildi nú um klukkan níu á Ströndum og Norðurlandi vestra og um klukkan níu í kvöld má reikna með að það bæti í veðrið og þá hefur verið skellt á okkur appelsínugulri viðvörun. Reikna má með austanvindum framan af degi en norðanáttir taka síðan yfir þegar líður á daginn. Nú klukkan níu er skollið á vonskuveður í Blönduhlíðinni en við Miðsitju er nú vindur 26 m/sek og slær í 39. Éljagangur og hálka er á Öxnadalsheiði og vindur 17 m/sek.
Þeir sem eru kunnugir staðháttum geta eflaust ráðið í það hvaða máli skiptir hvort hann blæs að austan eða norðan. Þeir sem búa eða eru á ferð vestan fjalla geta reiknað með miklum vindi í austanáttinni og það má því ætla að vindur nái sér vel á strik austanvert í Skagafirði og í nágrenni við Blönduós og að sjálfsögðu víðar.
Vindi allt að 21 m/sek er spáð við Sauðárkróksflugvöll nú fyrir hádegið og 22 m/sek við Blönduós um og upp úr hádegi. Dregur heldur úr vindi þegar líður á daginn. Veðrinu fylgir mikil rigning sem gæti breyst í slyddu í byggð þegar líður á aðfaranótt fimmtudags og fram á morgun. Þegar ofar dreur má gera ráð fyrir snjókomu og vondu veðri og eru það skilaboð frá lögreglunni á Norðurlandi vestra að fólk sé ekki á ferðinni þegar veðrið verður sem verst. Veðrið ætti að öllu jöfnu að vera gengið niður um hádegi á morgun.
Samkvæmt upplýsingum Feykis hafa bændur komið skepnum á hús og vonandi hafa þeir sem búa á mölinni gengið vel frá trampólínum og öðru dóti sem getur tekið flugið þegar verulega hvessir.
Veðurspáin
14 okt. kl. 09:00 – 21:00 GUL VIÐVÖRUN
Norðaustan 15-25 m/s, hvassast í vindstrengjum við fjöll og snarpar vindhviður. Talsverð eða mikil rigning á láglendi, en slydda eða snjókoma til fjalla. Varasamt ferðaveður. Lausamunir geta fokið.
14 okt. kl. 21:00 – 15 okt. kl. 05:00 APPELSÍNUGUL VIÐVÖRUN
Norðan 18-25 m/s, hvassast norðantil. Talsverð eða mikil snjókoma eða slydda með lélegu skyggni og snjó á vegum. Ekkert ferðaveður. Snarpar vindhviður og lausamunir geta fokið.
Fleiri fréttir
-
Og það er Helga og Helga og Helga og ...
feykir.is Skagafjörður, Mannlíf 14.10.2026 kl. 14.14Það er ekki öll vitleysan eins eins og segir í kvæðinu. Í ágætri frétt á vef Varmahlíðarskóla segir af því að af 34 starfsmönnum skólans bera átta nafnið Helga. Ekki kemur fram hvort þetta hafi valdið veseni hjá nemendum og öðru starfsfólki.Meira -
Kindurnar á Hæli bíða af sér óveðrið inni
feykir.is Austur-Húnavatnssýsla, Lokað efni 14.10.2026 kl. 12.15Það ætti ekki að hafa farið fram hjá neinum að það er óveðurslægð að færast yfir landið. Seint í kvöld og í nótt má búast við hríðarveðri hér á Norðvesturlandinu. Bændur hafa verið í óða önn að koma búfénaði sínum í skjól. Feykir hafði samband við Jón bónda Kristófer á Hæli á Ásum í Húnabyggð og spurði út í stöðuna.Meira -
Haustþing SSNV mótmælir hækkun kílómetragjalds og eldsneytisskatta
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 14.10.2026 kl. 09.55Haustþing Samtaka sveitarfélaga á Norðurlandi vestra, sem haldið var á Hótel Laugarbakka í Húnaþingi vestra 1. október sl., samþykkti ályktun þar sem hækkun kílómetragjalds á ökutæki og hækkun eldsneytisskatta er mótmælt. Að mati þingsins leggjast breytingarnar þyngra á íbúa landsbyggðarinnar en íbúa þéttbýlis. Þingið krefst þess að fjármála- og efnahagsráðuneytið dragi hækkun kílómetragjaldsins til baka og falli frá frekari hækkun eldsneytisskatta. ssnv.is segir frá.Meira -
Bændur koma skepnum á hús
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 13.10.2026 kl. 15.30Eins og ætti að vera orðið ljóst þá er búist við illskuveðri seinni partinn á morgun og fram á fimmtudag. Bændur á Norðvesturhorninu eru væntanlega að búa sig undir það versta þó vona megi það besta. Fólk man ýmis veður og kann því til verka.Meira
