1-1-2 dagurinn haldinn hátíðlegur um sl. helgi
Á Norðurlandi vestra var 1-1-2 dagurinn, sem var sunnudaginn 11. febrúar, haldinn hátíðlegur á Hvammstanga, Blönduósi og á Sauðárkróki.
Á Hvammstanga skipulögðu viðbragðsaðilar í Húnaþingi vestra hópakstur á sunnudeginum en lagt var af stað frá Húnabúð - slökkvistöðinni kl. 16. Þeir sem höfðu áhuga á að fljóta með gátu hoppað upp í bílana, á meðan pláss leyfði, og endaði aksturinn á sama stað þar sem fólk gat komið og skoðað öll tækin.
Á Blönduósi hittust viðbragðsaðilar í Húnabyggð, á sunnudeginum, á planinu við lögreglustöðina kl. 15:30. Þaðan var tekinn hópakstur um bæinn sem endaði fyrir framan lögreglustöðina. Þar voru tæki og búnaður viðbragðsaðila til sýnis og var boðið upp á kaffi, ávaxtasafa og kex til kl. 17:00.
Á Sauðárkróki var skipulagður fjölskyldudagur í tilefni dagsins í Sveinsbúð á laugardeginum frá kl.13-16. Öll tæki voru sett út á plan og heimsótti Félag slökkviliðsmanna einnig svæðið með sín tæki. Þá voru settar upp stöðvar inni í Sveinsbúð þar sem fjölskyldan gat spreytt sig á alls konar leikjum/þrautum, litað og fleira og að lokum (nú eða á undan) gat fólk keypt sér kaffi, djús og vöfflur. Frítt var inn à viðburðinn en tekið var á móti frjálsum framlögum. Á Facebook-síðunni Björgunarsveit Skagfirðingasveit segir að dagurinn hafi verið virkilega skemmtilegur og vel heppnaður og steiktar voru um 350 vöfflur sem runnu ljúflega niður hjá gestum dagsins. Ekki var annað að sjá en að bæði skipuleggjendur og gestir hafi farið með bros á vör heim eftir góðan dag í Sveinsbúð.
Fleiri fréttir
-
Tólf í framboði til embættis forseta Íslands
feykir.is Skagafjörður, Austur-Húnavatnssýsla, Vestur-Húnavatnssýsla 03.05.2024 kl. 09.14Tólf verða í framboði til forseta Íslands í kosningunum 1. júní næstkomandi en þá ræðst hver verður sjöundi forseti lýðveldisins. Landskjörstjórn fór yfir öll framboð sem bárust og úrskurðað um gildi þeirra. Tvö framboð voru úrskurðuð ógild en Viktor Traustason kærði úrskurðinn og fékk tækifæri til að lagfæra undirskriftalistann sinn sem hann og gerði. Fyrsti sjónvarpsfundur frambjóðanda í Sjónvarpi allra landsmanna verður í kvöld og hefst kl. 19:40.Meira -
Stórskemmtilegir tónleikar „Heima í stofu“
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.57Heima í stofu - tilraunaverkefnið hans Áskels Heiðars var haldið 30.apríl síðastliðinn og er ekki annað að sjá en að gestir og tónlistarfólk hafi verið í skýjunum með þetta glænýja tónleika fyrirkomulag sem vonandi er þetta komið til að vera.Meira -
Kosning biskups Íslands, síðari umferð 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.13Nú á hádegi 2. maí hófst kosning biskups Íslands og stendur hún til kl. 12.00 á hádegi 7. maí 2024.Meira -
Rúmlega 200 manns hlupu fyrir Einstök börn á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 11.45Rúmlega 200 manns mættu í blíðskapar veðri í styrktarhlaup fyrir Einstök börn-Stuðningfélag barna með sjaldgæfa sjúkdóma eða heilkenni. Það var hlaupahópurinn 550 Rammvilltar sem hélt hlaupið í annað sinn á Sauðárkróki þann 1. maí síðastliðinn.Meira -
Sigríður Fjóla skaraði fram úr
feykir.is Skagafjörður, Íþróttir, Hestar 02.05.2024 kl. 11.30Útskriftarhelgi Reiðmannsins fór fram um liðna helgi á vegum Endurmenntunar Landbúnaðarháskóla Íslands á Hvanneyri. Á laugardag kepptu nemendur sem höfðu náð bestum árangri í sínum hópum til úrslita. Reynisbikarinn hlýtur sá er efstur stendur úr Reiðmanninum II og í ár var það Sigríður Fjóla Viktorsdóttir á Prins frá Syðra-Skörðugili, sem reyndist hlutskörpust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.