Aðalskipulag Skagastrandar samþykkt
Á fundi sveitarstjórnar Skagadtrandar í síðustu viku lá tillaga að aðalskipulagi Skagastrandar 2010-2022 til afgreiðslu sveitarstjórnar. Samkvæmt bókun skipulags- og byggingarnefndar 23. ágúst sl. er lagt til að aðalskipulag sveitarfélagsins 2010-2022 verði samþykkt af sveitarstjórn og því vísað til afgreiðslu Skipulagsstofnunar.
Fyrir fundinum lágu greinargerð skipulagsins og samantekt Landmótunar um athugasemdir og umsagnir vegna aðalskipulagsins þar sem fjallað er um allar umsagnir sem borist hafa. Þá lágu fyrir umsagnir sjö lögformlegra umsagnaraðila um aðalskipulagið og athugasemdir sem bárust á auglýsingatímanum frá Ásgeiri Axelssyni og Sigrúnu Guðmundsdóttur dags. 6. júlí 2010 annarsvegar og Rúnari Jósefssyni dags. 6. júlí 2010 hins vegar þar sem gagnrýnt er að Skagastrandarvegi verði breytt þannig að hann liggi þar sem nú eru ræktunar- og beitilönd.
Sveitarstjórn ræddi athugasemdirnar og taldi ekki forsendur til að gera breytingar á fyrirliggjandi aðalskipulagi en fól sveitarstjóra að veita svör þar sem komi fram að tillaga Vegagerðarinnar um breytingu á aðkomu til Skagastrandar taki m.a. mið af flokkun vega. Skagastrandarvegur sé skilgreindur sem stofnvegur sem nær inn í þéttbýlið. Skagavegur sé hins vegar skilgreindur sem tengivegur og þess vegna hafi verið gerð tillaga að breyttum gatnamótum þannig að Skagavegur tengist inn á Skagastrandarveg. Niðurstaða Vegagerðarinnar hafi verið að sú tillaga sem sett er fram í aðalskipulagstillögunni uppfyllti best vegtæknileg skilyrði m.a. vegna öryggissjónarmiða. Umrædd breyting á veginum sé hins vegar ekki inn á vegaáætlun og því munu leigutakar geta nýtt landið enn um sinn án truflunar af þeirri framkvæmd.
/Skagaströnd.is
Fleiri fréttir
-
Frábær liðsframmistaða Stólastúlkna í Garðabænum
feykir.is Skagafjörður 01.03.2026 kl. 16.39Stólastúlkur mættu fámennar til leiks í Garðabæinn í gær þar sem þær hittu fyrir lið Stjörnunnar í þriðja skiptið í Bónus deildinni þennan veturinn. Það var hins vegar ekkert vesen á þeim átta stúlkum sem klæddust þeim rústrauða, þær voru allar klárar í slaginn og rúlluðu upp liði Stjörnunnar þegar upp var staðið. Lokatölur 66-90.Meira -
Augnablik lagði lið Húnvetninga
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.03.2026 kl. 15.35Í gær lék lið Kormáks Hvatar leik númer tvö í Lengjubikarnum á þessu undirbúningstímabili en þá urðu Húnvetningar að sætta sig við naumt 3-2 tap gegn liði Augnablika. Á Aðdáendasíðunni segir að sem fyrr sé liðið skipað kornungum leikmönnum heimanað, sem eru að sýna á sér mjög efnilegar hliðar í þessum leikjum.Meira -
Óvæntur ratleikur í Njarðvík fékk fallegan endi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.03.2026 kl. 12.00Árni Heiðar Grímsson er Eyfirðingur með búsetu í Grafarvoginum í Reykjavík en hann er upphaflega frá Stóra Dal í Eyjafirði. Hann starfar sem tæknimaður hjá Advania. „Yfirtæknimaður jafnvel,“ bætir hann við. Árni Heiðar segir frá liðinu sínu í Enska boltanum að þessu sinni en byrjar á að gera grein fyrir sjálfum sér af eyfirsku lítillæti.Meira -
Mini taco veisla og auðveldur eftirréttur | Matgæðingar Feykis
feykir.is Skagafjörður, Í matinn er þetta helst, Lokað efni 01.03.2026 kl. 09.17Það voru Brynja og Hannes sem skoruðu á matgæðinga í tbl. 38, 2025, en það voru þau Matthildur Kemp og Bjarni Páll, þau þakka þeim kærlega fyrir. Matthildur og Bjarni eru bæði frá Sauðárkróki og búin að vera kærustupar síðan í grunnskóla. Þau fluttu saman til Reykjavíkur til að stunda nám, Matthildur er að læra tannlæknisfræði í HÍ og Bjarni er í mastersnámi í byggingarverkfræði í DTU í Danmörku, þau útskrifast bæði næsta sumar!Meira -
Skagafjörður fyrir unga fólkið | Jódís Helga Káradóttir skrifar
feykir.is Skagafjörður, Aðsendar greinar 28.02.2026 kl. 13.48Ég tilheyri þeirri kynslóð sem stendur frammi fyrir raunverulegu vali, að flytja burt eða að taka þátt í að byggja upp. Ég hef valið að byggja upp, hér í Skagafirði. Það geri ég af því að ég sé tækifærin sem felast í samfélagi sem er nógu stórt til að vera öflugt en nógu lítið til að hver rödd skipti máli. Skagafjörður hefur sterka ímynd, sögu, öflugt atvinnulíf og ríkulegt menningar- og íþróttastarf. En framtíðin mótast ekki af sjálfu sér. Hún krefst staðfestu og ábyrgðar. Ef við viljum að fleira ungt fólk taki þá ákvörðun að setjast hér að, stofna heimili og byggja upp lífsviðurværi, þurfum við að hafa skýra sýn og staðfestu í framkvæmd.Meira
