Engir í einangrun eða sóttkví á Norðurlandi vestra

Mynd:Facebooksíða Lögreglunnar á Norðurlandi vestra.
Mynd:Facebooksíða Lögreglunnar á Norðurlandi vestra.

Aðeins greindust þrjú ný kórónuveirusmit innanlands í gær og voru tveir þeirra sem greindust í sóttkví við greiningu. Samkvæmt upplýsingum á vefnum Covid.is liggja nú 25 á sjúkrahúsi vegna sjúkdómsins og er einn þeirra á gjörgæslu. 239 einstaklingar eru í sóttkví og 143 eru í einangrun. Í dag eru nákvæmlega tíu mánuðir frá því veiran greindist fyrst á Íslandi.

Í tilkynningu frá aðgerðastjórn almannavarna á Norðurlandi vestra í dag kemur fram að nú er autt borð á Norðurlandi vestra, enginn í sóttkví og enginn í einangrun.

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir