Gul veðurviðvörun í kvöld og nótt
Þeir sem enn notast við útvarp hafa örugglega heyrt talað um slæma veðurspá fyrir mestallt landið eftir hádegi í dag og reiknað með lokuðum heiðum víða. Svo virðist sem Norðvesturlandið sleppi nokkuð vel framan af degi en það bætir talsvert í vind undir kvöld. Í gulri veðurviðvörun fyrir Strandi og Norðurland vestra segir að gert sé ráð fyrir norðaustan 15-23 m/s og snjókomu og skafrenningi með slæmu skyggni. Búast má við versnandi færð, einkum á fjallvegum.
Viðvörunin tekur fyrst gildi sunnanlands um hádegi og veðrið færist síðan norður yfir og tekur sú gula gildi hjá okkur um klukkan 18 í kvöld en ekki er gert ráð fyrir að veðrið gangi niður fyrr en snemma í fyrramálið eða um kl. 7.
Á morgun er gert ráð fyrir áframhaldandi norðaustanátt og það er eins og fyrri daginn, hún nær sér vel á strik vestan fjalla. Dagana á eftir er ekki að sjá að það sé von á neinum vonskuveðrum en umhleypingar virðast vera vortískan hjá Veðurstofunni og því vissara að fylgjast með veðri og færð ef fólk er eitthvað á ferðinni.
Sem stendur eru allir vegir á Norðurlandi vestra færir og þjóðvegur 1 á löngum köflum greiðfær. Hálka eða hálkublettir eru á heiðum. Viðvörunarmerki eru á heiðum þegar Umferðin.is er skoðuð en heiðarnar hér á svæðinu fara á óvissustig seinni partinn í dag.
Fleiri fréttir
-
Grunnskóli austan Vatna Með allt á hreinu !
feykir.is Skagafjörður 23.03.2026 kl. 14.07Allir þekkja kvikmyndina, Með allt á hreinu, þar sem Gærur og Stuðmenn bítast um dansgólfið og hylli landsmanna. Nemendur á unglingastigi Grunnskólans austan Vatna vinna nú hörðum höndum að því að setja stykkið upp á fjölunum í Höfðaborg á Hofsósi. Ragnheiður Halldórsdóttir leikstýrir hópnum en stuðst er við handrit frá Leikfélagi Menntaskólans í Reykjavík sem byggt er á kvikmyndinni.Meira -
Senn geta Skagfirðingar og aðrir góðir gestir rennt sér í nýjum rennibrautum við Sundlaug Sauðárkróks
feykir.is Skagafjörður 23.03.2026 kl. 13.03Síðastliðið sumar bauð Fjársýslan, fyrir hönd sveitarfélagsins Skagafjarðar, út verk sem fólst í forsmíðuðum vatnsrennibrautum og rennibrautaturni, þar með talið efni, vinnu og uppsetningu, fyrir nýtt útisvæði við Sundlaug Sauðárkróks. Niðurstaða útboðsins var að tilboð Sportís var metið hagkvæmast að teknu tilliti til verð- og gæðamats. Um er að ræða þrjár rennibrautir, þar af tvær sem tengjast við nýjan 12 m. háan uppgönguturn. Turninn verður upphitaður, klæddur plexigleri og með led-lýsingu. Ljóst er að mannvirkið mun setja svip sinn á bæinn.Meira -
Mildi að ekki fór verr
feykir.is Skagafjörður, Lokað efni 23.03.2026 kl. 12.23Alvarlegt óhapp varð við Jökulsárbrú neðan við Goðdali sl. föstudag þegar bifreið lenti í flóði af krapa, snjó og grjóti. Aðstæður á svæðinu voru erfiðar og virðist sem skyndilegt aur- og krapaflóð hafi fallið yfir veginn og skollið á bílnum með miklum krafti.Meira -
Mikið er um að vera hjá íþróttahreyfingunni
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 23.03.2026 kl. 10.50Hefur þú áhuga á íþróttum? Ef svarið er já þá er nóg um að vera í dag mánudaginn 23. mars. Íþrótta- og Ólympíusamband íslands, Ungmennafélag Íslands, Svæðisskrifstofur íþróttahéraða standa fyrir þremur mismunandi viðburðum í sal Fjölbrautarskóla Norðurlands vestra. Um er að ræða þrjá ólíka viðburði sem hægt er að lesa nánar um hér að neðan.Meira -
Formaðurinn á eldi gegn Fjallabyggð
feykir.is Skagafjörður, Íþróttir, Lokað efni 23.03.2026 kl. 10.24Tindastólsmenn héldu norður á Akureyri þar sem lið KF beið þeirra undir ljósunum á Akureyrarvelli. Um var að ræða leik í 1. umferð Mjólkurbikarsins sem var heimaleikur Tindastóls en völlurinn á Króknum var ekki talinn nothæfur sökum bleytu þó það hafi reyndar komið Tindastólsmönnum á óvart sem töldu standið á vellinum fínt á leikdegi skv. heimildum Feykis. Stólarnir léku við hvurn sinn fingur á Akureyri í staðinn og fóru með sigur af hólmi, 3-1, og mæta annað hvort Dalvík/Reyni eða Magna í 2. umferð 27. mars.Meira
