Gul veðurviðvörun víðst á landinu
Gul viðvörun vegna veðurs er í gildi fyrir Suðurland, Faxaflóa, Breiðafjörð, Strandir og Norðurland vestra, Austurland að Glettingi, Austfirði, Suðausturland og Miðhálendi en appelsínugul viðvörun er í gildi fyrir Vestfirði.
Veðurstofa Íslands gerir er ráð fyrir norðaustan hvassviðri eða stormi, 15-23 m/s, fyrir spásvæði Stranda og Norðurlands vestra og hvassast norðantil. Búist er við talsverðri snjókomu og skafrenningi með lélegu skyggni og versnandi akstursskilyrðum, einkum á Ströndum og á annesjum.
Í athugasemdum veðurfræðings segir að allhvöss eða hvöss sunnanátt verði fram eftir degi, snjókoma með köflum norðvestantil, en víða skafrenningur norðanlands. Gengur í suðaustan og austan hvassviðri eða storm í nótt með snjókomu, slyddu eða rigningu.
Seint í dag á að draga úr vindi og ofankomu en frost verður frá 0 til 6 stiga. Vaxandi austlæg átt í nótt, 13-23 og snjókoma í fyrramálið, hvassast og úrkomumest á Ströndum. Dregur úr vindi og úrkomu á morgun, sunnan 3-10 og dálítil él síðdegis, en hvessir aftur og fer að snjóa á Ströndum annað kvöld. Hiti nálægt frostmarki.
Veðurhorfur á landinu næstu daga
Á þriðjudag:
Norðaustan hvassviðri eða stormur og snjókoma um landið norðvestanvert, en einnig norðaustanlands um kvöldið. Annars hægari suðvestlæg eða breytileg átt með skúrum eða éljum. Vægt frost, en hiti að 5 stigum við suðurströndina.
Á miðvikudag:
Norðaustan 8-15 og él, en úrkomulítið suðvestan- og vestanlands. Dregur úr vindi og éljum þegar líður á daginn. Hiti breytist lítið.
Á fimmtudag:
Fremur hæg vestlæg eða breytileg átt. Él á stöku stað, en annars bjart að mestu. Þykknar upp vestantil um kvöldið. Kalt í veðri.
Á föstudag og laugardag:
Útlit fyrir vaxandi sunnanátt með hlýnandi veðri og slyddu eða rigningu, fyrst vestantil, en úrkomulítið norðaustanlands. Snýst síðan í suðvestanátt með éljum og kólnandi veðri.
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.