Háskólasamstæða fýsilegasti kosturinn
Á heimasíðu Háskólans á Hólum segir að undanfarna mánuði hafi stýrihópur, skipaður fulltrúum Háskóla Íslands og Háskólans á Hólum, unnið að því að meta fýsilega kosti um aukið samstarf eða sameiningu háskólanna tveggja. Fram kemur að í því skyni hafi fjórar mögulegar útfærslur verið greindar varðandi aukið samstarf eða sameiningu: Aukið formlegt samstarf, óbreytt samstarf, sameining að fullu og ný háskólasamstæða.
Í tilkynningunni segir: „Meginniðurstaða hópsins er sú að háskólasamstæða sé fýsilegasti kosturinn. Stýrihópurinn leggur því til við háskólaráð beggja skóla að hefja undirbúning stofnunar nýrrar háskólasamstæðu. Markmið hennar eru tilgreind í nýrri skýrslu, Mat á fýsileika aukins samstarfs eða sameiningar Háskóla Íslands og Háskólans á Hólum, um niðurstöður fýsileikagreiningar Háskóla Íslands og Háskólans á Hólum en öllum aðilum er það ljóst að ekki eigi að auka yfirbyggingu eða flækja stjórnskipulag með nýrri samstæðu.
„Háskólar á Íslandi njóta mikils trausts sem byggir á vinnu þeirra í þágu samfélagsins, í kennslu, rannsóknum og nýsköpun. Fyrir háskólakerfið er mikilvægt að háskólarnir leggi saman kraftana, efli rannsóknastarf, gæði menntunar og styrki tengslin við atvinnulíf og samfélög á landsbyggðinni,“ segir Jón Atli Benediktsson, rektor HÍ.“
Fjölbreyttara nám
„Það er mikilvægt fyrir Ísland að háskólakerfið sé öflugt og í stöðugri þróun til að vera vel í stakk búið til að takast á við áskoranir samtímans. Sameiginlega munu háskólarnir geta boðið upp á fjölbreyttara nám og eflt þátttöku sína í þverfaglegum alþjóðlegum rannsóknum. Öflug háskólastarfsemi um allt land sem m.a. byggir á auðlindum og sérstöðu svæðanna eflir nýsköpun og þar með seiglu byggðanna og samkeppnishæfni Íslands” segir Hólmfríður Sveinsdóttir, rektor HH.
Í gær samþykkti háskólaráð Háskólans á Hólum tillögu um myndun háskólasamstæðu HÍ og HH. Til stendur að háskólaráð HÍ fjalli um tillöguna á fundi sínum í byrjun febrúar. Að því gefnu að háskólaráð HÍ samþykki hana mun vinna starfshópa hefjast fljótlega, um hvern meginþátt samstæðunnar. Þessir þættir eru allir tilgreindir í skýrslunni, og er sömu sögu að segja um alla verkþætti og en stutt yfirlit um þá er að finna í skýrslunni.
Að mati stýrihópsins er ljóst að samstæða af þeim toga sem lýst er í skýrslunni yrði umbylting í skipulagi háskólastarfs á Íslandi og mikill ávinningur fyrir íslenskt háskólasamfélag. Stýrihópurinn leggur áherslu á að ný háskólasamstæða efli háskólastarf á öllu landinu, styrki sókn á alþjóðlegum vettvangi og verði eftirsóknarverður kostur fyrir samstarf annarra háskóla og rannsóknastofnana til framtíðar.“
Fleiri fréttir
-
Knattspyrnuvallahallæri á Norðurlandi vestra og víðar
feykir.is Skagafjörður, Austur-Húnavatnssýsla, Vestur-Húnavatnssýsla 16.05.2024 kl. 19.16Þrjú meistaraflokkslið í knattspyrnu þreyja þorrann á Norðurlandi vestra þessa sumarbyrjunina; kvennalið Tindastóls sem spilar í Bestu deild kvenna, Kormákur/Hvöt í 2. deild karla og karlalið Tindastóls í 4. deildinni. Öll þurfa liðin leikhæfa leikvelli til að spila á en þeim er því miður ekki til að dreifa þessa dagana á svæðinu og hafa liðin því þurft að ýmist færa leiki lengra inn í sumarið, spila heimaleiki sína í Eyjafirði eða skipta á heimaleikjum við andstæðinga hverju sinni.Meira -
Þörfin fyrir heimilislækna | Bjarni Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 16.05.2024 kl. 16.16Að geta notið þjónustu heimilislæknis er ein af grunnþörfum okkar allra hvar sem við búum á landinu. Það er ekki síður mikilvægt að fólk hafi aðgang að föstum heimilislækni til að tryggja samfellu í þjónustunni. Þurfa ekki sífellt að bera sig upp við nýja lækna með mein sín, áhyggjur eða við heilsufarseftirlit. Aðgengi að góðri heilbrigðisþjónustu í heimabyggð eru grundvallarmannréttindi. Hér á landi höfum við búið við traust opinbert heilbrigðiskerfi þar sem öll eiga sama rétt til þjónustu óháð efnahag og stöðu. Um það er þjóðarsátt.Meira -
Lengi lifi rokkið - Gildran með tónleika í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.05.2024 kl. 15.00Hljómsveitin Gildran fagnar á næsta ári fjörtíu ára afmæli sínu og nú er hafa Skagfirðingar og nærsveitungar tækifæri til að mæta í Gránu nk.laugardagskvöld 18. maí og hefjast tónleikarnir kl. 20:30. Trommari Gildrunnar Kalli Tomm sem fæddur er og uppalinn í Mosfellssveit og hefur búið þar meira og minna öll sín ár er nú búsettur á Hofsósi. Feykir heyrði í nýbúanum á Hofósi og tók tal af honum í tilefni flutninga og komandi tónleika.Meira -
Ólík nálgun á snjallfækkun
feykir.is Skagafjörður, Mannlíf 16.05.2024 kl. 14.21Um fjörtíu háskólanemar og kennarar frá sex erlendum háskólum, af tólf þjóðernum, heimsóttu Byggðastofnun í gær á vegum Háskólaseturs Vestfjarða sem er hluti af alþjóðlegu samstarfi og skipuleggur sumarskóla í samstarfslöndunum Svíþjóð, Lettlandi, Finnlandi, Eistlandi, Litháen auk Íslands.Meira -
Liðið þarf smá tíma til að slípast saman
feykir.is Austur-Húnavatnssýsla, Íþróttir, Vestur-Húnavatnssýsla 16.05.2024 kl. 13.46„Leikurinn við Reyni var heilt yfir nokkuð vel spilaður. Sóknarlega náðum við að halda betur í boltann en við gerðum á móti Selfossi og við vorum að fá góðar opnanir hátt á vellinum en náðum ekki að nýta þær stöður nægilega vel,“ sagði Ingvi Rafn Ingvarsson, þjálfari Kormáks/Hvatar, þegar Feykir spurði hann út í leikinn gegn Reyni Sandgerði í 2. umferð 2. deildar en leikurinn fór fram á Dalvík um helgina. Leikurinn endaði með 1-3 sigri Sandgerðinga líkt og Feykir sagði frá.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.