Hefur lesið bækur Guðrúnar frá Lundi aftur og aftur
feykir.is
Skagafjörður, Austur-Húnavatnssýsla, Vestur-Húnavatnssýsla
26.12.2018
kl. 16.24
Anna Scheving hefur haft yndi af bóklestri allt frá barnæsku.
Í 48. tbl. Feykis á síðasta ári sagði Anna Scheving á Laugarbakka lesendum blaðsins frá sínum uppáhaldsbókum:
Anna Scheving er 68 ára gömul húsmóðir, fædd og uppalin á Reyðarfirði. Hún hefur búið víða um land en síðustu árin hefur hún átt heima í Húnaþingi vestra, fyrst á Hvammstanga í allmörg ár en síðustu þrjú árin á Laugarbakka sem er að hennar mati algjör sælureitur. Allt frá því Anna lærði að lesa í kringum fimm ára aldurinn hefur hún haft yndi af bóklestri og henni er minnisstætt frá barnæsku þegar faðir hennar las fyrir heimilisfólkið úr bók Alistairs MacLean, Nóttin langa. Anna svaraði nokkrum spurningum fyrir Bók-haldið.
- Hvaða bækur voru í uppáhaldi hjá þér þegar þú varst barn?
Snúður og Snælda. Sennilega voru Anna í Grænuhlíð og Sesselja síðstakkur fyrstu stóru bækurnar sem ég las. - Hvers konar bækur lestu helst?
Ég les helst ævisögur og skáldsögur en aldrei ljóð eða fræðibækur. - Hver er uppáhaldsbókin af þeim sem þú hefur lesið gegnum tíðina?
Ég hef lesið bækur Guðrúnar frá Lundi aftur og aftur og á örugglega eftir að lesa þær eina ferðina enn. - Hver er þinn uppáhaldsrithöfundur og hvers vegna?
Tryggvi Emilsson. Það er áhugavert að velta fyrir sér tíðarandanum á þessum tíma og því hve duglegur hann var að koma sér áfram. - Er einhver bók sem þú hefur lesið sérstaklega eftirminnileg eða hefur haft mikil áhrif á þig?
Held að það sé Fátækt fólk eftir Tryggva Emilsson vegna þess hvað það var farið illa með hann og hvað karl faðir hans var latur. - Hvaða bækur eru á náttborðinu hjá þér þessa dagana?
Tvennir tímar Elínborgar Lárusdóttur og svo reyfarar frá Ásútgáfunni. - Ertu fastagestur á einhverju bókasafni?
Ætli megi ekki segja það. Á Bókasafninu á Hvammstanga þar sem Guðmundur sér um að halda mér við efnið. - Áttu þér uppáhaldsbókabúð (hér heima eða erlendis)?
Ég fer helst í Eymundsson til að fá mér kaffi. - Hvað áttu margar bækur í bókahillunum heima hjá þér?
Ekki margar, sennilega svona 20 bækur. - Hvað kaupirðu eða eignast að jafnaði margar nýjar bækur yfir árið?
Ég kaupi aldrei bækur. - Eru ákveðnir höfundar eða bækur sem þú færð „alltaf“ í jólagjöf?
Ég fæ aldrei bækur í jólagjöf. - Hefur einhver bók sérstakt gildi fyrir þig?
Sennilega er það Biblía sem hann pabbi minn eignaðist sem barn. Hef aldrei lesið orð í henni en þykir mjög vænt um hana. - Ef þú ættir að gefa einhverjum sem þér þykir vænt um bók, hvaða bók yrði þá fyrir valinu?
Ætli Arnaldur eða Yrsa yrðu ekki fyrir valinu.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.