Jólastormur og mislit jól
Í hugum margra er hið fullkomna jólaveður stillt og kyrrt, hvít jörð og gjarnan logndrífa eða hundslappadrífa. Þeim sem hafa óskað sér þannig jólaveðurs þetta árið verður ekki að ósk sinni því í dag gengur sunnan hvassviðri eða stormur yfir landið. Í hugleiðingum veðurfræðings á Veðurstofu Íslands á vedur.is segir að hvassast verði um norðanvert landið, allt að 25 m/s og hviður vel yfir það. Rigning, sums staðar talsverð sunnan- og vestan til, en þurrt að kalla á Austurlandi fram á kvöld. Hlýnar talsvert frá því í gær og verður hiti kominn í 4 til 11 stig síðdegis.
Á Norðurlandi vestra er gul veðurviðvörun í gildi frá klukkan 14 í dag og fram yfir miðnætti. Spáð er sunnan 18-25 m/s með snörpum vindhviðum, allt að 40 m/s. Varasamt veður fyrir ökutæki sem taka á sig mikinn vind, og gott að festa lausamuni til að forðast foktjón. Einnig er útlit fyrir talsverða rigningu og snjóbráð og mikilvægt að huga að því að niðurföll séu opin til að forðast vatnstjón að því er segir í spá Veðurstofunnar á vedur.is. Suðvestan 10-18 og él á morgun, hiti kringum frostmark.
Á morgun, jóladag verður suðvestan 10-18 og él á morgun, hiti kringum frostmark en á annan í jólum verður komin norðlæg eða breytileg átt 3-10 m/s og víða dálítil él. Frost 0 til 10 stig, kaldast inn til landsins. Vaxandi norðanátt um kvöldið með snjókomu eða slyddu um landið N-vert.
Það er því útlit fyrir að jólin verði eitthvað mislit víða, hvorki hvít né rauð, en vonandi ágæt engu að síður.
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.