Kynningarfundur vegna móttöku flóttamanna
feykir.is
Austur-Húnavatnssýsla
21.02.2019
kl. 11.34
Mánudaginn 25. febrúar er boðað til kynningarfundar á Blönduósi vegna fyrirhugaðrar móttöku flóttamanna. Fundurinn verður haldinn í Félagsheimilinu á Blönduósi og hefst hann klukkan 20:00.
Á fundinum munu sveitarstjóri Blönduósbæjar, fulltrúi frá Félagsmálaráðuneytinu og verkefnastjóri flóttamanna hjá Rauða krossinum kynna verkefnið fyrir fundarmönnum og svara spurningum fundarmanna.
Dagskrá fundarins er sem hér segir:
- Valdimar O Hermannsson, sveitarstjóri mun gera grein fyrir aðdraganda og stöðu málsins hjá Blönduósbæ og í Húnavatnssýslum.
- Linda Rós Alfreðsdóttir, sérfræðingur frá Félagsmálaráðuneytinu mun kynna verkefnið og reynslu sl. tíu ára.
- Nína Helgadóttir, verkefnastjóri flóttamannamála hjá Rauða krossinum mun segja frá hlutverki Rauða krossins á Íslandi.
- Fyrirspurnir og umræður.
- Á fundinum verður m.a. óskað eftir, upplýst um og tekið á móti boðum um að gerast stuðningafjölskyldur, vegna þessa verðuga verkefnis og mun Linda Guðmundsdóttir, verkefnastjóri Rauða krossins á Norðurlandi verða á fundinum og veita upplýsingar.
Íbúar Blönduósbæjar eru hvattir til að mæta á fundinn.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.