Laun bæjarstjóra Blönduóss hækka
Laun bæjarstjóra Blönduóssbæjar hækkuðu með nýjum ráðningarsamningi eftir kosningar í vor, öfugt við þróunina í flestum sveitarfélögum. Forseti bæjarstjórnar segir að skýringin liggi meðal annars í kröfum um aukið vinnuframlag bæjarstjórans.
Þetta kemur fram á ruv.is en í kvöldfréttum Útvarps á þriðjudag kom fram að laun nýrra sveitarstjóra séu í flestum tilfellum lægri en laun forvera þeirra og sveitarstjórnir hafi nýtt tækifærið eftir kosningar og lækkað laun um 5-15%.
Formaður Sambands sveitarfélaga, sagði þetta í takt við launalækkun og breytta stöðu sveitarfélaga eftir hrun. Á Blönduósi er þessu öfugt farið. Þar hækkaði nýr meirihluti bæjarstjórnar mánaðarlaun bæjarstjórans úr 793 þúsundum í 880 þúsund, auk þess sem biðlaunaréttur var lengdur úr fjórum í sex mánuði.
Ágúst Þór Bragason, forseti bæjarstjórnar Blönduóssbæjar, segir að þetta aukna vinnuframlag felist meðal annars í aukinni áherslu á atvinnumál. Hann segir laun bæjarstjórans verða nokkuð lægri en laun fyrir sambærileg störf í nágrannasveitarfélögunum.
Fulltrúar minnihluta bæjarstjórnar á Blönduósi gerðu athugasemdir við ráðningu bæjarstjóra þega frá henni var gengið í júní og sátu hjá þegar borin var upp tillaga þar um.
Oddný María Gunnarsdóttir, bæjarfulltrúi minnihluta segist ósammála því að hækka hafi þurft laun bæjarstjórans í samanburði við launin í nágrannasveitarfélögum. Hún segir líklegt að þetta mál verði tekið til umræðu þegar bæjarstjórn kemur saman eftir sumarleyfi í september.
/ruv.is
Fleiri fréttir
-
Frábær liðsframmistaða Stólastúlkna í Garðabænum
feykir.is Skagafjörður 01.03.2026 kl. 16.39Stólastúlkur mættu fámennar til leiks í Garðabæinn í gær þar sem þær hittu fyrir lið Stjörnunnar í þriðja skiptið í Bónus deildinni þennan veturinn. Það var hins vegar ekkert vesen á þeim átta stúlkum sem klæddust þeim rústrauða, þær voru allar klárar í slaginn og rúlluðu upp liði Stjörnunnar þegar upp var staðið. Lokatölur 66-90.Meira -
Augnablik lagði lið Húnvetninga
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.03.2026 kl. 15.35Í gær lék lið Kormáks Hvatar leik númer tvö í Lengjubikarnum á þessu undirbúningstímabili en þá urðu Húnvetningar að sætta sig við naumt 3-2 tap gegn liði Augnablika. Á Aðdáendasíðunni segir að sem fyrr sé liðið skipað kornungum leikmönnum heimanað, sem eru að sýna á sér mjög efnilegar hliðar í þessum leikjum.Meira -
Óvæntur ratleikur í Njarðvík fékk fallegan endi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.03.2026 kl. 12.00Árni Heiðar Grímsson er Eyfirðingur með búsetu í Grafarvoginum í Reykjavík en hann er upphaflega frá Stóra Dal í Eyjafirði. Hann starfar sem tæknimaður hjá Advania. „Yfirtæknimaður jafnvel,“ bætir hann við. Árni Heiðar segir frá liðinu sínu í Enska boltanum að þessu sinni en byrjar á að gera grein fyrir sjálfum sér af eyfirsku lítillæti.Meira -
Mini taco veisla og auðveldur eftirréttur | Matgæðingar Feykis
feykir.is Skagafjörður, Í matinn er þetta helst, Lokað efni 01.03.2026 kl. 09.17Það voru Brynja og Hannes sem skoruðu á matgæðinga í tbl. 38, 2025, en það voru þau Matthildur Kemp og Bjarni Páll, þau þakka þeim kærlega fyrir. Matthildur og Bjarni eru bæði frá Sauðárkróki og búin að vera kærustupar síðan í grunnskóla. Þau fluttu saman til Reykjavíkur til að stunda nám, Matthildur er að læra tannlæknisfræði í HÍ og Bjarni er í mastersnámi í byggingarverkfræði í DTU í Danmörku, þau útskrifast bæði næsta sumar!Meira -
Skagafjörður fyrir unga fólkið | Jódís Helga Káradóttir skrifar
feykir.is Skagafjörður, Aðsendar greinar 28.02.2026 kl. 13.48Ég tilheyri þeirri kynslóð sem stendur frammi fyrir raunverulegu vali, að flytja burt eða að taka þátt í að byggja upp. Ég hef valið að byggja upp, hér í Skagafirði. Það geri ég af því að ég sé tækifærin sem felast í samfélagi sem er nógu stórt til að vera öflugt en nógu lítið til að hver rödd skipti máli. Skagafjörður hefur sterka ímynd, sögu, öflugt atvinnulíf og ríkulegt menningar- og íþróttastarf. En framtíðin mótast ekki af sjálfu sér. Hún krefst staðfestu og ábyrgðar. Ef við viljum að fleira ungt fólk taki þá ákvörðun að setjast hér að, stofna heimili og byggja upp lífsviðurværi, þurfum við að hafa skýra sýn og staðfestu í framkvæmd.Meira
