LightUp! 2024 er einstakur viðburður á Norðurlandi
„LightUp! 2024 er ljósalistahátíð sem verður haldin á Skagaströnd 27.-28. janúar nk. Við leggjum af stað í hrífandi ferð til að lýsa upp Skagaströnd,“ svarar Eva Guðbjartsdóttir, stjórnarformaður Nes og viðburðastjórnandi, þegar Feykir spyr hana út í hátíðina. „LightUp! verkefnið okkar miðar að því að umbreyta samfélaginu með því að sýna einstök listaverk sem nýta kraft ljóssins. Hæfileikaríkir listamenn eru valdnir til að taka þátt í þessum einstaka viðburði og nota þeir ýmsar aðferðir til að búa til yfirgripsmiklar ljósainn-setningar og vörpun sem mun sannarlega dáleiða,“ segir Eva.
Þetta er ekki í fyrsta skipti sem LightUp! er haldið á Skagaströnd. Hver er sagan á bak við LightUp!? „Þetta er í annað skiptið sem Nes Listamiðstöð kallar eftir listamönn-um til að taka þátt í þessari hátíð en hún var haldin í fyrsta skipti árið 2022 og tókst afar vel. Er þetta partur af því að vaxa og dafna sem listamiðstöð og vekja athygli á hinu frábæra starfi sem er unnið þar hvern einasta mánuð ásamt því að koma íbúum og öðrum gestum saman til að njóta einstakra kvölda. Það að fá listamenn til að vinna með sama þemað er mjög kröftugt og sést það í útkomunni. Ljósalista-hátíðir eru vel þekktar á Íslandi og má þá nefna Vetrarhátíðina í Reykjavík og List í ljósi á Seyðisfirði sem hafa báðar fengið mikið lof.“
Hverjir koma að ljósasýningunum og liggur mikil vinna að baki sýningunni? „Í ár erum við með tíu erlenda listamenn alls staðar að úr heiminum og einn heimamann ásamt starfsfólki og stjórn Nes að setja upp hátíðina. Það er mikil vinna, skipulagning og fjármunir sem fara í hátíð eins og LightUp! en allt er það þess virði þegar uppi er staðið. Það er að segja ef veðrið heldur sig á mottunni. En veðrið er okkar helsti óvinur í allri uppsetningu og sýningu á verk-unum. Við vorum einstaklega heppin árið 2022 en þá þurfti aðeins að færa hátíðina um einn dag vegna veðurs. Við liggjum því á bæn fyrir góðu veðri.“
Eru Skagstrendingar áhugasamir um Light-Up!? „Skagstrendingar og aðrir í nærsamfélög-um okkar eru mjög spenntir fyrir hátíðinni og vonum við að sem flestir taki virkan þátt, kíki á rúntinn eða fari á menningarrölt í gegnum bæinn. Haldnar verða vinnustofur með börnunum í skólanum og vinna þau sameiginlega að ljósalistaverkum sem verður mjög gaman að sjá hvernig til tekst en mikið og gott samstarf hefur verið á milli grunnskólans og listamiðstöðvarinnar.“
Hvernig er best að meðtaka LightUp!? „Besta leiðin til að meðtaka LightUp! er að mæta, taka þátt og njóta á sínum eigin forsendum. Þetta er einstakur viðburður á Norðurlandi og það verður enginn svekktur á að koma,“ segir Eva spennt.
LightUp! hefst formlega klukkan 18, föstudaginn 27.janúar en stuttu áður verður Ungmennafélagið Fram með viðburð þar sem börn og fullorðnir koma saman og ganga með Ljómastafi (e.Glow stick) niður í Nes og hefja hátíðina. LightUp! stendur yfir bæði föstudag og laugardag frá kl: 18:00-22:00 og eru allir hjartanlega velkomnir að koma og njóta ljóssins í myrkrinu.
Fylgist betur með nánari dagskrá og staðsetningu listaverkanna á www.neslist.is og á Facebook síðunni >
Fleiri fréttir
-
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.