Mamma Mía á fjalir Bifrastar - Falleg sýning og bráfyndin
Nemendafélag Fjölbrautaskóla Norðurlands vestra frumsýnir söngleikinn heimsfræga Mamma mía í Bifröst Sauðárkróki föstudaginn 22. nóvember nk. klukkan 20:00. Með hlutverk Donnu fer Rannveig Sigrún Stefánsdóttir, Helena Árnadóttir leikur Sophie og svo eru það pabbarnir, þeir Sam, Bill og Harry en með hlutverk þeirra fara Sæþór Már Hinriksson, Eysteinn Guðbrandsson og Ásbjörn Waage.
„Verkið er að hluta til byggt á þessari sögu og kvikmynd sem við þekkjum en þó er hér um nýja leikgerð að ræða. Leikverkið heitir: Saga Donnu Sheridan-Mamma mía og segir frá ástum og örlögum Donnu og svo Sophie dóttur hennar. Þarna er því sú þekkta, með þekktum lögum, sem við þekkjum en töluverðar breytingar gerðar sem við teljum til góðs. Svo er þarna fullt af frábærri tónlist sem bæði er acustic og af playback þannig að fjölbreytnin er mikil,“ segir Pétur Guðjónsson, leikstjóri.
Aðspurður um við hverju áhorfendur megi búast í Bifröst, segir Pétur: „Fallegri sýningu og mér sýnist stefna í að hún verði mjög vel leikin. Krakkarnir taka þessu svo alvarlega að útkoman hlýtur að verða góð. Það er fullt af fallegum atriðum en það er líka fjör og í gegnum þetta allt er sýningin bráðfyndin. Við erum ekkert að reyna að vera það, það bara gerist. Þau standa sig mjög vel, leggja mikla vinna á sig til að gera alvöru sýningu. Sæþór, Helena, Rannveig og Eysteinn eru mikið að sjá um raddanir og þarna hjálpast allir að. Svo er það Bergljót Ásta Pétursdóttir sem er aðstoðarleikstjóri og hún er algjörlega frábær, eins og reyndar allir í þessum hóp.
Nú ert þú að leikstýra hjá Fjölbraut og nýbúinn að leikstýra hjá Leikfélagi Sauðárkróks, ertu fluttur á Krókinn?
„Sko ég er ekki búinn að flytja lögheimilið en ég er meira á Króknum en heima á Akureyri. Það hefur nú gengið á ýmsu í þessu ferli, ein sjúkrahúsvist hjá mér, sem var ekki alveg það sem við þurftum á þessum stutta tíma sem við höfum. En ég get staðfest það að starfsfólkið á sjúkrahúsinu hér á Króknum er alveg dásamlegt.“
Pétur hvetur alla til að fara á sýninguna þar sem allt er lagt undir. „Við leggjum hjartað á sviðið fyrir áhorfendur og vonum að upplifunin verði í samræmi við það. Ég kveð svo Krókinn í bili - en ég kem aftur og hlakka til.“
Miðapantanir fara fram í síma: 455-8070 frá og með miðvikudeginum 20. nóvember en hægt verður að panta frá 15:00-17:00 virka daga en 11:00-14:00 um helgar.
Fleiri fréttir
-
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.