Partýljón í Sæmundarhlíð
Sonja Sigurbjörg Sigurgeirsdóttir og Sigurjón Leó Vilhjálmsson eru Skagfirðingar sem búa ásamt þremur börnum sínum á Ljónsstöðum í Sæmundarhlíð. Þau eru hjónin á bak við nýtt fyrirtæki sem heitir því skemmtilega nafni Partýljón. Sigurjón vinnur sem smiður og Sonja er í fæðingarorlofi eins og er. En eins og nafnið á nýja fyrirtækinu gefur til kynna er hér um að ræða eitthvað meira en mjög spennandi. Hver elskar ekki gott partý?
Partýljón bíður fólki uppá að leigja búnað og vélar til að hafa í veislum og partýjum. Þau eru með tvær krapvélar, einfalda og tvöfalda. Poppvél og Candyfloss. Tvö píluspjöld og allt sem því fylgir og Soundboks hátalara. Síðan eru væntanlegar blöðrur, tölustafir, kynjablöðrur og þess háttar.
„Hugmyndin kviknaði þegar Sigurjón ákvað að leigja krapvél yfir áramótin og þurfti að taka hana með sér úr höfuðborginni heim í Skagafjörð til þess að geta boðið upp á krap á áramótunum. Spurningin var hvort það væri markaður fyrir svona leigu hérna á svæðinu og þá fóru hjólin að snúast og við ákváðum á láta slag standa og prófa,“ segir Sonja.
Það er bæði hægt að finna þau á Facebook og Instagram og þar er hægt að senda þeim skilaboð.
Það er nú ekki annað hægt en að enda á að spurja hvort þau séu mikil „partýljón“ ? „Já við tökum partý og veislur yfirleitt alla leið og finnst gaman að halda gott partý,“ segir Sonja að lokum.
Fleiri fréttir
-
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.