Rafmagn að komast á á Norðurlandi vestra
Eftir mikla vinnu í nótt við að hreinsa tengivirkið í Hrútatungu tókst að spennusetja virkið um klukkan fimm í morgun og rafmagn komst í kjölfarið á Vesturlínu til Mjólkár, notendur á norðanverðum Vestfjörðum fá enn rafmagn í gegnum varafl. Notendur á norðvesturlandi fá nú rafmagn frá flutningskerfinu, segir á Facebooksíðu Landsnets.
Á heimasíðu Rarik segir að flutningslína Landsnets til Sauðárkróks sé komin í lag og Sauðárkrókur því kominn með rafmagn eftir að hafa verið með varaaflskeyrslu og skömmtun rafmagns síðasta sólarhringinn.
Ástandið á Norðurlandi vestra er að lagast og eru Langidalur og Svínadalur að mestu komnir með rafmagn en alvarlegar truflanir eru enn á Norðurlandi. Hrútatunga kom inn um klukkan fimm í morgun og þá fékk stór hluti Húnaþings vestra rafmagn. Unnið er að því að koma Hrútafirðinum inn.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.