Safnað fyrir Sigrúnu Margréti :: Með alvarlegan nýrnasjúkdóm
Sigrún Margrét Einarsdóttir er lítil stúlka sem fæddist þann 3. september síðastliðinn á Landspítalanum við Hringbraut. Sigrún Margrét er fyrsta barn foreldra sinna, þeirra Jónu Kristínar Vagnsdóttur frá Minni-Ökrum í Skagafirði og Einars Ara Einarssonar frá Skagaströnd, og er litla fjölskyldan búsett á Minni-Ökrum.
Á 34. viku meðgöngunnar kom í ljós að Sigrún væri með alvarlegan nýrnasjúkdóm en nýru hennar voru langt yfir meðalstærð og einnig voru blöðrur á þeim og kom í ljós um tveggja mánaða aldur að um er að ræða nýrnasjúkdóm sem gengur undir nafninu NPH (Juvenile nephronophthisis) eða MCKD (Medullary cystic kidney disease).
Veikindi litlu stúlkunnar hafa það í för með sér að fjölskyldan þarf að fara á tveggja vikna fresti til Reykjavíkur í blóðprufur og í eftirlit hjá nýrnasérfræðingum. Fylgjast þarf með blóðþrýstingi hennar og er hann mældur vikulega, svo og þyngd hennar, ýmist á Heilsugæslunni á Sauðárkróki eða á Landspítalanum. Síðustu vikurnar hefur hún verið tengd við vél sem skammtar henni visst magn af mjólk á klukkutíma í gegnum sondu, allan sólahringinn.
Í framtíðinni mun Sigrún Margrét þurfa að fara í nýrnaígræðslu en það verður ekki gert fyrr en hún hefur náð tveggja ára aldri. Eins og staðan er nú er hún á tveimur blóðþrýstingslyfjum en ef starfseminni hrakar mikið fyrir tveggja ára aldurinn mun hún þurfa að fara í blóðskiljun.
Þrátt fyrir erfiðan sjúkdóm og fleiri sjúkrahúsheimsóknir á sinni stuttu ævi en margur þarf á að halda á allri lífsleiðinni er sú stutta glöð og kát og brosir framan í heiminn.
Það segir sig sjálft að tíðar sjúkrahúsferðir og langdvalir að heiman eru kostnaðarsamar og því hefur verið stofnaður styrktarreikningur fyrir fjölskylduna þar sem hægt er að leggja þeim lið. Reikningsnúmerið er 0370-13-400966 og kennitalan 210995-3589.
/@FE
Fleiri fréttir
-
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.