Til styrktar Guðjóni Óla
Fjölskylduskemmtun verður haldin í Félagsheimilinu á Blönduósi 10. nóvember nk. frá kl. 15:00-17:30 Meðal þeirra sem koma fram má nefna Ingó veðurguð, Gísla Einarsson úr Landanum auk tónlistarfólks úr Húnavatnssýslu. Treyjuuppboð verður á staðnum m.a. árituð treyja Gylfa Þórs Sigurðssonar hjá Tottenham, árituð treyja frá Aroni Pálmasyni handboltamanni í Kiel og Íslandsmeistaratreyja FH í knattspyrnu með áritun allra leikmanna liðsins og margar margar fleiri.
Þá verður boðið uppá kökuhlaðborð þannig að enginn þarf að fara svangur heim. Skemmtunin er haldin til að sýna samstöðu í verki með Guðjóni Óla og fjölskyldu hans en hann veiktist alvarlega fyrr á þessu ári aðeins nokkura vikna gamall. Allur ágóði af þessari skemmtun rennur því óskertur til fjölskyldu hans.
Miðaverð er aðeins kr 2.000 fyrir fullorðna (16 ára og eldri) og frítt fyrir börn í fylgd með fullorðnum. Forsala aðgöngumiða fer fram í íþróttamiðstöðinni á Blönduósi og í íþróttahúsinu á Skagaströnd miðvikudaginn 7. nóvember frá kl. 16:00-18:00. Einnig er hægt að gera miðapantanir á netfangið eysteinnp@simnet.is frá og með kl. 16:00 þennan sama dag.
Þá hefur verið opnaður bankareikningur í tilefni fjölskylduskemmtunarinnar og geta þeir sem ekki komast en vilja sýna stuðning lagt inná eftirfarandi reikning: 0307-13-2012 kt. 110280-4249. Gerum okkur glaðan dag saman og vonandi sjáum við sem flesta. Ungmennafélagið Hvöt ásamt vinum og ættingjum!
Fleiri fréttir
-
Ásgeir laumast inn um gættina
feykir.is Vestur-Húnavatnssýsla, Listir og menning, Lokað efni 26.02.2026 kl. 15.13Það eru alltaf tíðindi þegar Ásgeir Trausti frá Laugarbakka sendir frá sér nýja breiðskífu en það var einmitt það sem hann gerði nú seinni partinn í febrúar. Skífan ber nafnið Julia og er hans fimmta hljóðversskífa og líkt og áður þá tekst honum ljómandi upp við búa til lög sem hægt og rólega lauma sér í vitund hlustandans.Meira -
Umsókn um styrk vegna viðburðar á Sæluviku
feykir.is Skagafjörður 26.02.2026 kl. 14.37Vakin er athygli á því að hægt er að sækja um styrki fyrir viðburði á Sæluviku, sem fer fram dagana 12. – 19. apríl nk.Meira -
„Stemningin hefur verið frábær allt tímabilið“
feykir.is Skagafjörður, Íþróttir, Lokað efni 26.02.2026 kl. 13.17Bónus deild kvenna hefur nú verið skipt upp í efri og neðri hluta og hófst keppni í vikunni. Lið Tindastóls sat hjá í fyrstu umferð en Stólastúlkur heimsækja Garðabæinn á laugardaginn þar sem leikur gegn Stjörnunni bíður þeirra. Feykir heyrði hljóðið í Israel Martín í morgun og spurði hann meðal annars út í leynivopn.Meira -
Skagfirðingar ekki spenntir fyrir styttingu
feykir.is Skagafjörður, Austur-Húnavatnssýsla, Lokað efni 26.02.2026 kl. 10.26Samgöngufélagið gefst ekki upp á styttingu þjóðvegar 1 um Norðurland vestra en byggðarráði Skagafjarðar barst tölvupóstur frá félaginu 12. janúar síðastliðinn þar sem farið var þess á leit við sveitarfélagið að gerð yrði grein fyrir afstöðu sveitarfélagsins til lagningu Vindheimaleiðar. Það var afstaða byggðarráðs að ekki séu fyrir hendi fullnægjandi forsendur, hvorki umferðaröryggislegar, fjárhagslegar, skipulagslegar né umhverfislegar, til að gera ráð fyrir Vindheimaleið og Húnavallaleið í skipulagi eða samgönguáætlun á þessu stigi.Meira -
Skot í gær og annað væntanlegt í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 26.02.2026 kl. 09.05Stinningskaldi er nú sitt hvoru megin við Skaga en hiti er um og yfir frostmarki. Allir vegir sem vanalega eru opnir yfir veturinn eru færir en víðast hvar er hálka, hálkublettir eða snjóþekja. Það hægir á vindi um hádegi en í kvöld og næstu nótt ganga skil yfir landið og þá bæði hvessir og snjóar á Norðurlandi vestra.Meira
