Unnið að mokstri í Hrútafirði og á Holtavörðuheiði
Það er strekkingu víða á Norðurlandi vestra og þó einna helst í Skagafirði en vindur er allnokkur við Tröllaskaga og nágrenni. Vindur er að suðvestan, hiti um frostmark og það éljar. En eins og allir vita þá styttir öll él upp um síðir og spá Veðurstofunnar gerir ráð fyrir að það birti til upp úr hádegi og éljabakkar hverfa á braut.
Það dregur úr vindi eftir því sem líður á daginn þó framhald verði á sunnanáttinni en á morgun, fimmtudag, er spáð skaplegu veðri. Það fer síðan að élja eða snjóa á föstudaginn og þegar líður að kveldi þá bætir í vindinn. Spáð er 16 m/sek á mestöllu Norðurlandi vestra þegar líður að miðnætti á föstudaginn. Áfram verður snörp sunnanátt á laugardag og snjóél en reiknað er með sæmilegu veðri sunnudag og mánudag.
Vegir eru almennt færir á Norðurlandi vestra nú í morgun en þó er víðast hvar éljagangur eða skafrenningur en skafrenningurinn er að mestu í Skagafirði og á Öxnadalsheiði þar sem vindurinn nær sér meira á strik. Ýmist er hálka, hálkublettir eða snjóþekja á vegum en rétt er að benda á að flughált er á Vatnsskarði. Unnið er að mokstri í Hrútafirði og á Holtavörðuheiði.
Fleiri fréttir
-
Glaðheimar stækka og fullbókað fyrstu þrjá mánuði ársins
feykir.is Austur-Húnavatnssýsla, Lokað efni 04.03.2026 kl. 14.57Ferðaþjónustufyrirtækið Glaðheimar á Blönduósi eru í stöðugum vexti og gekk rekstur þess vel á síðasta ári, að sögn Lárusar B. Jónssonar framkvæmdastjóra. Í dag er gistirými Glaðheima á svæð-inu fyrir um 150 manns, þar af eru um 30 sumarhús í mismunandi stærðum og gistihús með rými fyrir um 16 manns. Í samtali við Húnahornið segir Lárus að bókanir fyrir árið 2026 hafi verið miklar og að fullbókað sé fyrstu þrjá mánuði ársins. Í ljósi þess hafi eigendur Glaðheima ákveðið að auka verulega við gistiplássið, eða um það bil fyrir 50 manns til viðbótar.Meira -
Tillaga að breyttu deiliskipulagi: Sauðárkrókshöfn - Háeyri 6 og 8
feykir.is Skagafjörður 04.03.2026 kl. 14.01Sveitarstjórn Skagafjarðar samþykkti á 46. fundi sínum þann 25. febrúar 2026 að auglýsa tillögu að breytingu á deiliskipulagi fyrir hafnarsvæðið á Sauðárkróki vegna lóðanna Háeyri 6 og 8 í samræmi við 41. og 43. gr. skipulagslaga nr. 123/2010.Meira -
„Þetta er árásarstríð gegn smáríki“ | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 04.03.2026 kl. 08.32„Við stöndum frammi fyrir algerri eyðileggingu og gríðarlegri reiði og gremju í garð ríkisstjórnar Evrópusambandsins [framkvæmdastjórnarinnar] vegna þess að þetta eru fullkomin svik,“ sagði Brendan Byrne, framkvæmdastjóri Samtaka írskra fiskvinnslufyrirtækja og útflytjenda, í samtali við írsku útvarpsstöðina Highland Radio í desember.Meira -
Skagafjörður óskar eftir tilboðum í framkvæmdir við Staðarbjargavík
feykir.is Skagafjörður 04.03.2026 kl. 08.23Skagafjörður óskar eftir tilboðum í verkið Staðarbjargavík Hofsósi – Tröppur og pallar. Verkið felst í uppbyggingu útsýnissvæðis við Staðarbjargavík. Um er að ræða jarðvinnu, smíði stoðveggja úr steypu, smíði handriða, útsýnispalla, bekkja og stiga úr völsuðu galvanhúðuðu stáli ásamt göngustígagerð. Verkinu í heild skal að fullu lokið 31. ágúst 2026.Meira
