A-Húnavatnssýsla

Bæjarhátíðin Skagginn verður haldin í annað sinn á Skagaströnd helgina 26. - 28. ágúst næstkomandi. Á Facebook-síðu viðburðarins kemur fram að dagskráin sé í mótun og er stefnt á að kynna dagskrárliði jafnt og þétt út júnímánuð.

Á kjördæmisþingi VG sem fram fór um liðna helgi var kjörin ný stjórn kjördæmisráðsins. Steinunn Rósa Guðmundsdóttir á Sauðárkróki var kjörin formaður en aðrir í stjórn eru Rún Halldórsdóttir á Akranesi og Bjarki Þór Grönfeldt í Borgarnesi.

Í dag eru liðin 15 ár frá því fyrsta fréttin var skrifuð og birt á Húnahorninu sem er er vefmiðill fyrir Austur-Húnavatnssýslu. Síðan hefur mikið vatn runnið til sjávar og umhverfi vefmiðla breyst mikið. Vefmiðlar koma og fara en miðill af þessu tagi er jafn mikilvægur í dag og hann var fyrir 15 árum.

Aðalfundur kjördæmisráðs VG í Norðvesturkjördæmi fór fram á Hvanneyri síðastliðinn laugardag, þann 11. júní. Á fundinum var samþykkt að fram fær forval vegna komandi alþingiskosninga, miðað er við að forvalið fari fram seinnipartinn í ágúst næstkomandi og kosið verði um röðun í sex efstu sæti listans.

Þrettándu Smábæjarleikar Arion banka verða haldir næstkomandi helgi, dagana 18.-19. júní, en þetta knattspyrnumót er fyrir hressa krakka í 4., 5., 6., 7. og 8 flokki, bæði stelpur og strákar. Búist er við um 1.500-1.700 manns á Blönduós um helgina.

Norðlæg átt og 3-10 m/s er á Ströndum og Norðurlandi vestra. Samkvæmt spá Veðurstofu Íslands verður skýjað með köflum og þokubakkar við ströndina. Hiti 7 til 15 stig, svalast á annesjum.

Upplýsingamiðstöð ferðamála í Austur – Húnavatnssýslu var verið opnuð í húsnæði Héraðsbókasafns Austur-Húnavatnssýslu að Hnjúkabyggð 30 á Blönduósi í gær, að viðstöddum fulltrúum sveitarfélaganna sem að henni standa og öðrum gestum.

Textílsetur Íslands og samstarfsaðilar standa fyrir hátíðinni Prjónagleði sem hefst á Blönduósi í dag. Þegar blaðamaður Feykis átti leið um Blönduós í gær var búið að skreyta ljósastaura með prjónagraffi, eins og sjá má á meðfylgjandi myndum.

Blöndubrú skemmdist í fyrrakvöld er ökutæki ók utan í handrið á gangstéttinni norðanmegin á brúnni og braut gler í handriðinu á 10-15 metra kafla. Þetta er annað óhappið við brúnna á 6 mánuðum. Húni.is greinir frá.

Það ríkir mikil spenna vegna úrtökumóts fyrir komandi Landsmót hestamanna á Hólum enda óðum að styttast í það. Eins og fram kom í viðtali við Lárus Á. Hannesson, framkvæmdastjóra LH, í nýjasta tölublaði Feyki, gengur undirbúningur vel og búist er við feikna sterku og skemmtilegu móti.