A-Húnavatnssýsla

Rekstrarniðurstaða sveitarfélagsins Skagastrandar var jákvæð á árinu um 33,5 m.kr. í samanburði við 18,8 m.kr. neikvæða afkomu árið 2014. Þetta kemur fram í fundargerð sveitarfélagsins en ársreikningar voru teknir til seinni umræðu á sveitarstjórnarfundi í síðustu viku.

Gestir Heimilisiðnaðarsafnsins voru vel á fjórða þúsund á síðasta ári. Komu flestir þeirra á eigin vegum en einnig hefur hópum fjölgað meðal safngesta. Sagt er frá þessu í ársskýrslu safnsins sem nýlega var birt á heimasíðu þess.

Stangveiðifélagið Lax-á mun áfram sjá um söluveiðileyfa í Blöndu og Svartá næstu fimm árin. Samstarfið, sem staðið hefur frá síðustu aldamótum hefur nú verið framlengt, eins og fram kemur á vef Lax-ár. Blanda hefur dafnað vel á tímabilinu og skemmst er að minnast metveiði í ánni síðasta sumar.

Mennta- og menningarmálaráðherra úthlutaði nýlega styrkjum úr Safnasjóði 2016 til safna um allt land. Byggðasafn Húnvetninga og Strandamanna, Byggðasafn Skagfirðinga og Heimilisiðnaðarsafnið á Blönduósi hlutu verkefnastyrki, auk þess sem þau hlutu 800.000 kr. rekstarstyrki hvert fyrir sig.

Uppbygging á 2300 leiguíbúðum er rétt handan við hornið en önnur umræða um frumvarp um almennar félagsíbúðir fór fram á Alþingi í vikunni. Þessi mikilvæga uppbygging er því rétt handan við hornið. Þetta er ein sú mesta uppbygging sem verið hefur á leigumarkaði frá árinu 1965 eða þegar Breiðholtið var byggt. Nú er tekið stórt skref til framtíðar með gríðarlegri uppbyggingu og stöðugleika á leigumarkaði. Hér er um að ræða uppbyggingu á kerfi þar sem stuðlað er að félagslegri blöndun íbúanna.

Gunnar Bragi Sveinsson, landbúnaðar-, sjávarútvegs- og byggðamálaráðherra, hyggst láta skoða hvernig beita megi skattkerfinu á því hvernig beita megi skattkerfinu við að styrkja byggðir landsins.

Flutningafyrirtækið Vörumiðlun á Sauðárkróki bauð til afmælisgleði í tilefni af 20 ára afmæli sínu um síðustu helgi. Opið hús var hjá fyrirtækinu auk þess sem bílar Vörumiðlunar, um 35 tæki óku frá Blönduósi yfir Vatnsskarð um Varmahlíð og Sauðárkrók og voru svo til sýnis á útisvæði á Eyrinni.

Nemendur í leiklistarvali í 8.-10.bekk í Höfðaskóla á Skagaströnd settu á dögunum upp söngleikinn Mamma mia í leikstjórn Ástrósar Elísdóttur. Sýningin, sem var ríflega klukkustundar löng, byggir á sama handriti og sú sem nú nýtur mikilla vinsælda á fjölum Borgarleikhússins. Er þar um að ræða glænýja og frábæra þýðingu Þórarins Eldjárn.

Álverið á Hafursstöðum hefur verið á vörum margra undanfarna mánuði og eru skoðanir manna misjafnar. Umræðan um þetta málefni síðasta sumar var í þá átt að ég hélt að þetta væri klappað og klárt og að fyrsta skóflustungan væri á næsta leiti. En þegar ég fór að kynna mér málið nánar komst ég að því að svo er ekki raunin.

Á þriðjudaginn voru opnuð tilboð í endurbyggingu Svínvetningabrautar, vegar nr. 731, frá Kjalvegi að hringvegi, en útboð var auglýst þann 25. apríl. Fjögur tilboð bárust og áttu Vélaþjónustan Messuholti ehf. og Víðimelsbræður ehf. lægsta tilboð, sem hljóðaði upp á tæpar 60 milljónir.