A-Húnavatnssýsla

Það er staðreynd að veruleg fjölgun hefur átt sér stað á leigumarkaði, frá árinu 2008. 20,8% heimila voru á leigumarkaði árið 2014, samanborið við 12,9 % árið 2008. Auk þessa hafa kannanir, m.a. frá ASÍ sýnt fram á að margir þeirra sem búa á leigumarkaði, búa við verulega þungan húsnæðiskostnað. Algengt er að sá húsnæðiskostnaður nemi á bilinu 40 – 70 % af ráðstöfunartekjum.

Fjórða liðið sem mun taka þátt í KS-Deildinni í ár er Íbess-Hleðsla. Liðstjóri er Jóhann B. Magnússon og með honum er Magnús Bragi Magnússon, Ísólfur Líndal Þórisson og Anna Kristín Friðriksdóttir.

Stjórn Samtaka sveitarfélaga á N orðurlandi vestra, SSNV, hefur sent frá sér ályktun þar sem harðlega er mótmæli þeirri ákvörðun Póst-og fjarskiptastofnunar að heimila Íslandspósti að draga úr póstdreifingu í aðildarsveitarfélögunum sjö sem standa að SSNV.

Í Sjónhorninu þann 28. janúar sl. var auglýstur fundur um samfélagsleg áhrif virkjana í Skagafirði. Ég hafði ekki tök á að sækja þann fund, en auglýsingin vakti hjá mér sterkar og áleitnar hugsanir um framtíðarsýn þessa dýrmæta og tækifæraþrungna héraðs okkar, sem býður opinn faðminn til margskonar samvinnu lands og lýðs.

Sagt er að öskudagur eigi sér átján bræður og sé eitthvað til í því þurfa íbúar á Norðurlandi vestra ekki að kvíða veðurfarinu næsta rúman hálfa mánuðinn, þó vissulega væri nokkuð kalt í morgun.

Á stjórnarfundi Ámundakinnar ehf. í dag 9. febrúar var kynntur samningur þar sem Auðhumla svf. selur Ámundakinn gömlu mjólkurstöðina á Húnabraut 33, Blönduósi.

Málefni aldraðra á Blönduósi voru til umræðu á fundi Öldungaráðs Blönduósbæjar þann 28. janúar sl. Í fundargerð kemur fram að þar hafi m.a. verið rætt um að koma þurfi upp aðstöðu fyrir eldri borgara til tómstundaiðju, skipulagðar sætaferðir fyrir eldri borgara innan sveitarfélagsins og aukið samstarf við grunnskóla. Jafnframt kom til umræðu með hvaða hætti sveitarfélagið gæti aukið upplýsingaflæði til eldri borgara.

Það snjóar á Norðurlandi en samkvæmt vef Vegagerðarinnar eru þó flestir vegir vel færir og hreinsun vega langt komin. Enn er þó þungfært á Siglufjarðarvegi. Norðan 8-15 og él er á Ströndum og Norðurlandi vestra. Lægir smám saman á morgun. Frost 2 til 10 stig.

Undirbúningsvinna vegna ljósleiðaravæðingar Húnavatnshrepps er nú í fullum gangi. Með ljósleiðara kerfi munu íbúar sveitarfélagsins geta notið sömu eða betri fjarskiptagæða en þekkist í þéttbýli á Íslandi, hvort sem litið er til gagnaflutnings, internets, sjónvarps, síma eða annarra stafrænna samskipta.

Snjórinn á sér ýmsar birtingarmyndir og nóg hefur verið af honum undanfarna daga. En öll él birtir upp um síðir og þá er gaman að bregða sér út og sjá hvernig snjórinn hefur breytt umhverfinu. Líkt og náttúruöflin getur mannshöndin breytt snjónum í listaverk eins og krakkarnir í Blönduskóla gerðu á dögunum.