Frá Tónlistarskóla Skagafjarðar
Lokatónleikar og skólaslit Tónlistarskóla Skagafjarðar voru haldnir Í Frímúrarasalnum 20. maí kl.16. Þar komu fram nemendur með fjölbreytta og skemmtilega dagskrá. Þá voru tveir kennarar kvaddir vegna starfsloka, þeir Rögnvaldur Valbergsson, eftir 43 ár í kennslu, og Thomas R. Higgersson, eftir 30 ár við kennslu.
Þá var veitt úr minningarsjóðum Aðalheiðar Erlu Gunnarsdóttur frá Syðra-Vallholti og Jóns Björnssonar frá Hafsteinstöðum. Úr minningarsjóði Aðalheiðar Erlu fengu þær Agla Rut Egilsdóttir og Þórunn Ásdís Fjólmundsdóttir viðurkenningu fyrir góðan námsárangur. Arna Þorsteinsdóttir hlaut viðurkenningu fyrir góðan námsárangur úr minningarsjóði Jóns Björnssonar.
Þrír nemendur luku stigsprófi í píanóleik tveir í 2. stigi og einn 1. stigi. Agla Rut Egilsdóttir lauk grunnprófi í píanóleik, þá luku einnig þær Arna Þorsteinsdóttir og Þórunn Ásdís Fjólmundsdóttir miðprófi í tónfræðagreinum.
Hljóðfærahringekjan er alveg ný grein innan skólans, en hún byggist á því að nemendur læra undirstöðuatriði á mörg hljóðfæri yfir veturinn. Farið er með þau í gegnum blásturs-, strengja og rythmísk hljóðfæri (slagverk, rafbassa og gítar) á þremur tímabilum yfir veturinn, átta vikur í senn. Kennt er í litlum hópum, þrennt saman í tíma í 30 mínútur, einu sinni í viku. Þá skal geta þess að ný kennslugrein hljóðfærahringekja hentar mjög vel fyrir byrjendur, þar sem þrír nemendur koma saman í tíma og fá kynningu á öllum þeim hljóðfærum sem kennt er á í skólanum.
Alls stunduðu 164 nám við skólann í vetur og voru haldnir fjölmargir tónleikar og tónfundir sem sjá má á meðfylgjandi myndum.
Kveðja Sveinn
Fleiri fréttir
-
Geggjaðir Grindvíkingar í Síkinu
feykir.is Skagafjörður, Íþróttir 16.04.2024 kl. 09.52Það er rétt að byrja á því að hrósa Grindvíkingum, þeir voru frábærir í gær og verðskulduðu sigur í Síkinu þegar þeir mættu liði Tindastóls í öðrum leik liðanna í úrslitakeppni Subway-deildarinnar en þeir leiða nú einvígið 2-0. Gestirnir náðu yfirhöndinni seint í fyrsta leikhluta og léku við hvern sinn fingur þar til þriðji leikhluti var úti en þá var munurinn 32 stig. Þrátt fyrir að Stólarnir gerðu fyrstu 21 stig fjórða leikhluta voru þeir í raun aldrei nálægt því að jafna leikinn – hvað þá að vinna hann. Lokatölur voru 88-99 og ljóst að lið Tindastóls þarf að finna góðan skammt af galdraryki til að snúa þessu einvígi við.Meira -
Öldungamót Smára
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 09.20Nú er lag fyrir gamlar frálsíþróttakempur og aðra áhugasama að skrá sig á öldungamót Smára sem fram fer í íþróttahúsinu í Varmahlíð laugardaginn 20.apríl nk.Meira -
1500 FRÆ
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.04.2024 kl. 15.28Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.Meira -
Nú mæta allir í Síkið
feykir.is Skagafjörður, Íþróttir 15.04.2024 kl. 12.17Íslandsmeistarar Tindastóls taka á móti Grindavík í Síkinu í kvöld í öðrum leik liðanna í átta liða úrslitum Subway-deildarinnar. Leikurinn hefst kl. 19:30 en miðasala fer fram á Stubb. Nú er um að gera að fjölmenna í Síkið og styðja strákana okkar til sigurs. Grindvíkingar rúlluðu yfir okkar menn í fyrsta leik og nú þurfa allir Stólar að gera betur.Meira -
Séra Sigríður skipuð prófastur í Húnavatns- og Skagafjarðarprófastsdæmi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.04.2024 kl. 11.03Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi frá og með deginum í dag, 15. apríl 2024. Hún tekur við af sr. Döllu Þórðardóttur á Miklabæ en hún lét af störfum þann 1. desember síðastliðinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.