Litli prinsinn :: Áskorendapenninn Ingibjörg Rósa Auðunsdóttir Kollsá Hrútafirði
Hún Kristín Árnadóttir, vinkona mín, sendi mér áskorendapennann og þó mér fyndist ég vera hálf tímalaus í haustönnunum þá varð ég við því. Hvað gerir maður jú ekki fyrir vini sína. Ég dró skrifin á langinn enda vön frá fjarnámi mínu við Háskólann á Hólum að sjá tímasetninguna 23:58 á verkefnum mínum á skiladegi. Ekkert lá nú á eða þannig.
Mögulega tengja einhverjir sem hafa stundað nám með vinnu við þessa lýsingu. Ég braut heilann um hvar ég ætti eiginlega að bera niður í umfjöllunarefni. Bókin góða „Litli prinsinn“, sem kom út árið 1943 og er eftir franska flugmanninn og rithöfundinn Antoines de Saint-Exupérys, leitaði á hugann og sá boðskapur sem þar er að finna. Hún er ein mest selda bók allra tíma og var, sem dæmi, valin besta bók 20. aldarinnar í Frakklandi. Hún er hugleiðing um lífið, hvernig menn kjósa að lifa því og hvernig þeir ættu að lifa því. Því sem höfundurinn vill koma til skila er komið á framfæri á nokkuð naíviskan hátt. Það er með einfaldleika og því að minna er meira.
En hvers vegna skyldi Litla prinsinum skjóta upp í mínum kolli um þessar mundir? Jú, ég fann og finn hvernig óvægin orðræða sem allt of oft, að mínu mati, á sér stað í þjóðfélaginu og þá framar öðru á samfélagsmiðlum getur þreytt og daprað mann. Það eru orðnir svo margir dómararnir þarna úti. Nær engum má verða á hvorki í ræðu né riti og ofan í kaupið krefjumst við allt að því fullkomnunar hvert af öðru og fyrirgefum fátt. Samt er það nú einhvern veginn svo að í ófullkomleikanum kemur mennskan hvað skýrast fram.
Á lífið að vera svona? Boðskapur Litla prins rennur ekki í þessum farvegi. Hann er hvatning til fullorðins fólks um að taka sig á. Endurheimta barnið í sér, því það sé sannasta og einlægasta manneskja sem til er, og lifa í sátt og skilningi við sig og aðra. „Allir fullorðnir menn hafa fyrst verið börn. En fáir muna eftir því“ segir í inngangsorðum bókarinnar. Hvernig væri þá að vinna að því að varðveita betur barnið í sér og bæta með því heiminn? Það að maður sjái ekki vel nema með hjartanu því það mikilvægasta sé ósýnilegt augunum er hinn fallegi og einfaldi boðskapur bókarinnar góðu. Ef okkur finnst hlutirnir betur mega fara verum þá sjálf breytingin sem við viljum sjá. Ég ætla að byrja hjá mér.
Ég sendi pennann áfram til Arons Stefáns Ólafssonar frá Reykjum í Hrútafirði BS í umhverfisskipulagi, húsasmiðs og nema.
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.