Stafasúpan stendur í íslenskufræðingnum Friðgný
Hringt var úr Fljótum í ritstjórn Feykis á dögunum. Í símanum var Friðgnýr Þórmóðsson frá Hraunkoti og var honum nokkuð niðri fyrir. Má með sanni segja að stafasúpan hafi staðið í honum. Samtalið fer hér á eftir...
„Góðan daginn, þetta er á Feyki.“
„Já, sæll vertu og blessaður, þetta er hérna hann Friðgnýr Þórmóðsson, hérna á Hraunskoti í Fljótum, ekki í Stíflu e-he-he-he.“
„Sæll Friðgnýr, það er blessuð blíðan. Fer ekki vel um ykkur þarna útfrá?“
„Jú blessaður vertu, hér hefur ekki hreyfst hár á höfði vikum saman, þetta er nú meira blessunar haustið en við áttum það nú inni eftir þessa sumarnefnu e-he.“
„Jú segðu, en hvað segirðu, hvert var erindið?“
„Ja, ég hringi nú út af þessari stafasúpu.“
„Núnú, fer hún ekki vel í þig?“
„Nja, nei, ekki get ég nú kannski sagt það.“
„En þetta er nú alveg ágæt skemmtun...“
„Hvað meinarðu „skemmtun“? Hvað ertu að fara?“
„Ertu ekki Friðgnýr Þórmóðsson íslenskufræðingur? Ég reiknaði ekki með öðru en að þið áhugamenn um íslensku mistuð aldrei af þætti?“
„Hvað þætti!?“
„Nú Kappsmáli, íslenskuþættinum á RÚV sem er hérna alltaf á föstudagskvöldum?“
„Já sú bévítans vitleysa... nei vinur, ég horfi ekki á þetta höfuðborgarlið slá sér á lær og hlæja að vitleysunni í sjálfu sér. Ég ætti nú ekki annað eftir. Ég sofnaði einu sinni yfir þessu, skal ég þér segja, og vaknaði upp við að hann þarna Marteinn þarna þarna, já, var að fara yfir fréttir vikunnar. Ég hélt ég væri kominn á hérna vitleysingjaspítala... en það má nú kannski ekki nota það orð... jæja, ég hafði semsagt verið plataður til að horfa á þennan pilt með því að svæfa mig yfir öðrum heimasmíðuðum höfuðborgarþætti. Hvenær hefur einhver utan að landi verið í þessu Kappsmáli. Já, svaraðu!?“
„Uuu, ég horfi nú svo sjaldan á þetta... en mig rámar í að það hafi verið þarna ansi skemmtilegur náungi sem sagðist koma frá Hólmavík.“
„Frá Hólmavík já! Það var þá... og kannski verið skemmtilegasti maðurinn sem hefur sést í þessum þáttum e-he-he?“
„Hugsanlega.“
„Það er sem ég segi; við, þetta fólk hér úti á landi, sem strögglar allt sitt líf en hefur komið fótunum undir þetta hyski fyrir sunnan, já, við erum ónýtt auðlind þegar kemur að skemmtiefni í sjónvarpi.“
„Jæja Friðgnýr, en þú sagðist hringja út af stafasúpu?“
„Já, það var út af þessari frá Maggi. Ég sýð mér þessa ágætu súpu af og til þegar þröngt er í búi. Nú eins og þú komst inn á hér áðan þá er ég íslenskufræðingur, og hérna já, komst að því nú á dögunum að það eru engir íslenskir stafir í þessari stafasúpu – já og það vantar algjörlega breiðu sérhljóðana.“
„Og hvað?“
„Hvað meinarðu „og hvað?“ Þetta er bara stórhættulegt íslenskri tungu. Þessi stafasúpa er sérstaklega stíliseruð, já eða beint að æsku landsins. Ég óttast um framtíð íslenskunnar þegar ég heyri starfsmann fjölmiðils ekki bera skynbragð á þá ógn sem stafar af stafasúpunni.“
„Já þú segir nokkuð Friðgnýr. En væri ekki erfitt að láta þessar kommur yfir á, é og svo framvegis haldast á réttum stað?“
„Uuuu, það má vera... en það er bara tæknileg útfærsla, það má ekki láta það bitna á tungunni... eh, en hérna, tíðin hefur nú bara verið góð hér hjá okkur og ekki yfir neinu að kvarta sosum. Er ekki svo allt gott að frétta þarna innfrá ... e-he-he?“
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.