180 ára afmæli aldarinnar í Miðgarði
Það var heljarins húllumhæ í Miðgarði um síðustu helgi en þá héldu sex æskuvinir upp á 180 ára afmæli sitt – samanlagt. Þeir urðu allir þrítugir á síðasta ári en þá mátti auðvitað ekki halda neinar stórveislur. Nú voru kapparnir klárir í slaginn og var öllum boðið í menningarhúsið góða en þar var boðið upp á skemmtun og sveitaball að hætti hússins. Feykir lagði nokkrar spurningar fyrir eitt afmælisbarnið, Birgi Þór Guðmundsson frá Stóru-Seylu, og fékk myndir til birtingar frá Jóndísi Ingu Hinriksdóttur sem sá um að fanga viðburðinn og gesti á myndir.
„Þetta var 180 ára afmæli aldarinnar!“ segir Biggi þegar Feykir spyr út í veisluna. „Tilefnið var að við vinahópurinn urðum allir 30 ára á síðasta ári. Við erum semsagt sex æskuvinir sem stofnuðum ferðafélag þegar við vorum 16 ára og höfum haldið hópinn síðan. Hugmyndin að því að halda afmælisball í Miðgarði kom þegar við vorum í mikilli heimsreisu um Pólland fyrir nokkrum árum. Samkvæmt fundargögnum var þetta ákveðið 12. október 2019 kl. 21:32 á Hoza Steakhouse,“ segir hann.
Vinahópinn skipa þeir Smári Hallmar Ragnarsson gjaldkeri, ættaður frá Holtsmúla, Sæmundur Jónsson ritari,Bessastöðum, Jakob Logi Gunnarsson, Löngumýri, Birgir Þór Guðmundsson, Stóru-Seylu, Aðalsteinn Orri Sigrúnarson,ættaður frá Ármúla, og Pétur Óli Þórólfsson, Hjaltastöðum, sem er formaður. Ferðafélag strákanna heitir Lyfting „...eftirmeri sem Þórólfur á Hjaltastöðum átti. Hún var alltaf með trússinn okkar og var okkur því mjög mikilvæg,“ útskýrir Biggi.
Hvað var helst til skemmtunar og hvað þótti ykkur félögunum vænst um? „Það var hörku dagskrá! Geirmundur Valtýsson, Sigrún Hjálmtýs (Diddú), Edda Borg og Sæþór. Síðan voru nokkrar góðar ræður og leikir. Endaði síðan á balli með hljómsveitinni Mannamót með Sigvalda, bróðir Jakobs, fremstum í flokki. Ætli okkur þyki ekki vænst um að fólk hafi nennt að mæta.“
Hversu margir létu sjá sig og hvernig var stemningin? „Við höldum að það hafi mætt um 400 manns. Það var gríðarleg stemning og engin til í að hætta kl. 3:00 um nóttina.“
Mælirðu með þessum veislustjórum sem þið fenguð? „Já! Ragnheiður Brimnesi og Gunnhildur Hofdölum (Álftagerði) fóru á kostum. Ragnheiður er æsku vinkona okkar og var bekkjarsystir okkar í Varmahlíðarskóla svo hún vissi allt um okkur. Gunnhildur er mjög fyndin og skemmtileg dama svo þær áttu báðar vel heima þarna!“
Á að endurtaka leikinn? „Já... eða við eigum eftir að funda um það en ég er klár eftir 10 ár! Allir að taka frá laugardaginn 16. ágúst 2031!“
Strákarnir þáðu engar gjafir en voru með bauk þar sem gestum gafst tækifæri til að styrkja gott málefni í Skagafirði. „Fengum við um 450 þúsund og höfum við fundið verðugt málefni til að styrkja innan Skagafjarðar,“ segir Biggi að lokum.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.