600. vísnaþátturinn í Feyki vikunnar
Í Feyki í dag ber að líta vísnaþátt númer 600 en Guðmundur Valtýsson bóndi á Eiríksstöðum í Svartárdal hefur haft veg og vanda að gerð hans frá upphafi en hann hóf göngu sína 1. apríl árið 1987. Það var á balli í Miðgarði sem Guðmundur talaði við þáverandi ritstjóra Feykis, Ara Sigurðsson, og hugmyndin að vísnaþætti í Feyki varð að veruleika.
-Það bar þannig til að ég fór á árshátíð Hestamanafélagsins Stíganda og hitti þáverandi ritstjóra Feykis, Ara Sigurðsson sem kenndur er við Holtsmúla. Ég segi honum að mér finnist vanta vísnaþátt í blaðið því það sé svo mikið af vísum og hagyrðingum á þessu svæði okkar. Hann tekur mig á orðinu og skorar á mig að gera þetta en ég reyndar neitaði í fyrstu. Ég ætlaðist ekki til þess að ég sæi um þetta en seinna um nóttina jánkaði ég þessu og úr varð að fyrsti þátturinn birtist 1. apríl 1987 og einmitt með efni af þessari samkomu. Strax í upphafi var tekin ákvörðun um að hafa þáttinn í öðru hverju blaði en það hefur komið fyrir að það hafi aðeins brenglast en þá kemur þátturinn út tvisvar í röð, sagði Guðmundur í viðtali við Feyki þegar þættirnir urðu hálft þúsund. Hann segir að fljótt hafi komið í ljós að nauðsynlegt þótti að númera þættina því fólk var að koma með athugasemdir eða vitna í fyrri þætti og þá var betra að hafa þá auðmerkta.
Í vísnaþætti dagsins eru fjölbreyttar vísur og stökur að vanda og meðal annars sagt frá viðskiptum Alberts Sölvasonar og Ísleifs Gíslasonar kaupmanns á Króknum en einhverju sinni bar svo við að Albert ákvað að gantast ögn við Ísleif og orti eftirfarandi vísu.
Maður einn vann mikla þraut
mesti ofurhugi.
Ísleifur sem eina skaut
andarnefju á flugi.
Kaupmaður, sem ekki mun hafa verið vanur að láta eiga hjá sér í þess háttar skylmingum, sendi fljótt til baka.
Maður einn vann mikla þraut
mestur reyndist öllum.
Uxa á flugi Albert skaut
uppi í Staðarfjöllum.
Þá komst einhvern tímann á kreik á Króknum blaðsnepill nokkur sem ónefndur kaupmaður þar í bæ mun hafa krotað á, með illa sleiktum blýanti, pantanir á ýmsum varningi sem hann hugðist fá frá birgjum fyrir sunnan. Gaf þar meðal annars að líta eftirfarandi: Þrjá dunka bolsíur blandaðar, 5 kassa karamellur, 6 dúsín suðusúkkulaði, bæði brögðin, það er vanillubragð og þetta með klofbragðinu. 1 par gallósíur nr. 44, 3 box hold kjeft molar og svo framvegis. Segir sagan að þessi ágæti pappír hafi borist alla leið til Kanada. Hinn snjalli hagyrðingur og læknir þar í hrepp, Björn Jónsson sem kallaður var Bjössi Bomm, mun hafa ort svo.
Fræðin kunna á Króknum enn
klofbragðs unna tökum.
Blendin nunna brögðin tvenn
bakar í þunnum kökum.
Fleiri fréttir
-
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira
