Afhjúpuðu mótmælaskilti
Í gær var afhjúpað á Arnarstapa í Skagafirði skilti þar sem fyrirhugaðri lagningu Blöndulínu 3 um héraðið er mótmælt. Það voru Ragnheiður Jónsdóttir frá Víðimýrarseli og sonur hennar Kári Snædal sem afhjúpuðu skiltið, en með góðfúslegu leyfi Jóns Gissurarsonar bónda er skiltið staðfest í landi Víðimýrarsels.
Um fjörtíu manns voru samankomnir á Arnarstapa til að fylgjast með athöfninni. Hrafn Margeirsson flutti tölu og las upp vísur eftir Jón Gissurarson sem honum bárust símleiðis, en Jón forfallaðist á síðustu stundu. Þá flutti Rakel Gylfadóttir vísur eftir Benedikt á Stóra-Vatnsskarði sem hljóða svo:
Við skulum ei að verkum hrapa
verjum okkar samfélag.
Eflaust kvöld á Arnarstapa
okkar styrkir bræðralag.
Glitrar dögg og græn er jörðin
glampar sól við hafsins brún.
Við yfir lítum okkar fjörðinn
með Eylendið og slegin tún.
Vilja jarðstrengi í stað loftlínu
Hópurinn sem að mótmælunum stendur hefur fylgst með áformum um lagningu línunnar og komið með ábendingar um fyrirætlanirnar í því lögformlega ferli sem málið hefur farið gegnum. Bent hefur verið á lagningu jarðstrengs sem vænlegri kost, út frá umhverfissjónarmiði, en umhverfismat gefur til kynna að veruleg sjónræn mengun verði af framkvæmdinni, enda um 30 metra há möstur og línuvegi að ræða.
Í tölu sinni hrósaði Hrafn sveitarstjórnarmönnum fyrir að hafa ekki gert Landsneti kleift að koma fyrirætlunum sínum í framkvæmd með því að setja loftlínur inn á aðalskipulag, en hvatti þá hins vegar til að setja jarðstrengi þar inn í staðinn. Einnig minnti Hrafn á að fyrirhugaðar línur nýttust einkum virkjunum og stóriðjum, þar sem þær ættu að tengja saman virkjanir á suðvesturhorninu og Austurlandi. Þær kæmu íbúum Skagafjarðar ekki að neinum beinum notum.
Að sögn Hrafnhildar Brynjólfsdóttur og Hrafns Margeirssonar á Mælifellsá hefur því verið haldið fram að hálfu Landsnets að lagning jarðstrengs yrði um 5-7 sinnum dýrari framkvæmd en loftlína, en hópurinn hefur undir höndum gögn sem gefa til kynna að kostnaðurinn sé 1,2 til tvisvar sinnum meiri.
.
Fleiri fréttir
-
JÓLIN MÍN | Uppáhaldskökusortin breytist oft á milli ára
feykir.is Austur-Húnavatnssýsla, Mannlíf, Lokað efni 21.12.2025 kl. 13.35Ingibjörg Signý Aadnegard er fjögurra barna móðir á Blönduósi þar sem hún býr með Jóni Antoni. Hún starfar sem stuðningsfulltrúi í Húnaskóla. Hún var að sjálfsögðu klár í slaginn þegar Feykir bað hana að segja frá jólunum sínum.Meira -
Hrafnhildur og jólin
feykir.is Skagafjörður, Lokað efni 21.12.2025 kl. 09.00Blaðamaður setti sig í samband við nokkrar alvöru jólakúlur og forvitnaðist um jólin og jólatréið á heimilinu. Allir hafa sínar jólatréssérviskur og áhugavert að heyra misjafnar hefðir á heimilum fólks þegar kemur að jólaténu. Sumir eru alltaf með lifandi tré á meðan aðrir eru með gervi. Helgispjöll að skreyta tréið fyrr en á Þorláksmessu, bannað að kveikja fyrr en klukkan sex á aðfangadag á meðan sum heimili setja tréið í fullan skrúða í upphafi aðventu. Gervitré eru ekki jólatré það vantar allann ilminn, ekkert lifandi tré á mitt heimili með öllu því dýralífi sem því getur fylgt, þetta eru allt saman örfá dæmi um jólatréssérviskur fólks.Meira -
JÓLIN MÍN | „Höfum almennt mjög gaman og borðum aðeins of mikið“
feykir.is Skagafjörður, Mannlíf, Lokað efni 20.12.2025 kl. 13.29Guðrún Björg Guðmundsdóttir býr á Sauðárkróki og er oftast kölluð Gunna. Hún er móðir tveggja uppkominna drengja og segist eiga tvær magnaðar tengdadætur og barnabörnin eru orðin sex talsins; fjórir drengir og tvær stúlkur. Gunna hefur starfað sem sjúkraliði við Heilbrigðisstofnunina á Króknum í bráðum 40 ár.Meira -
Gestir fóru með ljós í sinni út í skammdegisnóttina
feykir.is Skagafjörður, Listir og menning, Lokað efni 20.12.2025 kl. 12.40Í gærkvöldi fóru fram jólatónleikar Skagfirska kammerkórsins í Hóladómkirkju. Á dagskrá voru gömul og góð jólalög í bland við nýrri, m.a. var nýtt jólalag frumflutt sem var samið fyrir kórinn í tilefni af 25 ára afmæli hans, lagið er eftir Auði Guðjohnsen og ljóðið eftir okkar ástæla skáld, Sigurð Hansen, í Kringlumýri Skagafirði.Meira -
Bókaútgáfan Hólar gefur út bókina Segir mamma þín það?
feykir.is Skagafjörður, Listir og menning, Lokað efni 20.12.2025 kl. 11.14Hjá Bókaútgáfunni Hólum kom í haust út bókin Segir mamma þín það? eftir Guðjón Inga Eiríksson. Hún inniheldur gamansögur úr skólum, vítt og breitt um landið, og auðvitað koma Skagfirðingar þar við sögu. Hér á eftir verður gripið niður í bókina...Meira
