Afstaða til sameiningar sveitarfélaganna könnuð
Síðastliðna helgi fór fram 19. ársþing Samtaka sveitarfélaga í Norðurlandi vestra. Þingið ávörpuðu Ögmundur Jónasson innanríkisráðherra, Jón Bjarnason sjávarútvegs- og landbúnaðarráðherra og Guðbjartur Hannesson velferðarráðherra.
Fram kemur á vefsíðu Innanríkisráðuneytisins að umfjöllunarefni ársþingsins voru meðal annars efling sveitarstjórnarstigsins, sóknaráætlun landshluta, almenningssamgöngur og verðmætasköpun á landsbyggðinni.
Í ávarpi innanríkisráðherra kom fram að til stendur að kanna viðhorf sveitarstjórnarmanna og þingmanna til sameiningar sveitarfélaga en slík könnun fór einnig fram árið 2006. Mun það vera Jöfnunasjóður sveitarfélaganna sem kostar könnunina. Ráðherra sagði könnunina mikilvæga bæði til að fá fram viðhorf sveitarstjórnarmanna í kjölfar síðustu kosninga og ekki síður til að örva umræðu.
Innanríkisráðherra talaði einnig um erfiða fjárhagsstaðu sveitarfélagana og að það hefði verið eitt umfangsmesta og erfiðasta verkefni sveitarstjórnarmanna og ríkisvaldsins síðustu árin. Minnkandi tekjum og vaxandi kostnaði yrði að mæta með niðurskurði, eða jafnvel hækkun gjalda. Nýir kjarasamningar hjá ríki og sveitarfélögum síðustu misseri hafi aukinn kostnað í för með sér og að sveitarfélög verði mögulega að mæta þeim kostnaði að einhverju leyti með uppsögnum.
Innanríkissráðherra greindi einnig frá því að Vegagerðin og Samtök sunnlenskra sveitarfélaga skrifuðu nýlega undir samning um að samtökin tækju að sér að skipuleggja og tryggja almenningssamgöngur á sínu svæði. Þeir myndu jafnframt úthluta því fjármagni sem þeim væri ætlað. Sagði ráðherra þesskonar fyrirkomulag, þar sem heimamenn tækju að sér ábyrgð á málaflokknum, til þess fallið að nýta betur fjármuni. Dæmi um það væri að samhæfa almenningssamgöngur við akstur með skólabörn og þjónustu við fatlaða. Sagði ráðherra fleiri slíka samninga við landshlutasamtök í bígerð.
Loks minntist innanríkisráðherra á vegaframkvæmdir sem hann sagði ekki miklar í þessum landshluta. Sagði hann í því sambandi brýnt að hlusta á vilja heimamanna þegar vegaframkvæmdir væru annars vegar á um leið og tekið væri tillit til umhverfissjónarmiða svo og fjárráða ríkissjóðs. Þá sagðist hann ætla að hlusta á sjónarmið íbúa Blönduóss varðandi hugmyndir um styttingu Hringvegarins við Svínavatn sem þýddi að hann lægi ekki um Blönduós.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
