Allir sáttir eftir kosningar
Efstu menn þeirra flokka sem komu mönnum á þing í Norðvesturkjördæmi svara spurningu vikunnar í Feyki sem kemur út í dag. Spurningin er: Ertu sátt/ur við niðurstöður kosninganna? Allir eru sáttir þó einhverjir hefðu búist við eða viljað betri niðurstöðu sinna flokka.
Haraldur Benediktsson
Ég er alltaf sáttur við niðurstöður lýðræðins. En auðvitað stefndum við að betri árangri og þremur mönnum á þing í NV. Ég þakka öllum sem studdu okkur og tóku þátt í baráttunni.
Ásmundur Einar Daðason
Við vissum að það var á brattann að sækja en á ferðum okkar um kjördæmið fundum við fyrir mikilli jákvæðni. Við erum því mjög ánægð með þessu úrslit. Þessu fylgir mikil ábyrgð og við munum leggja okkur fram að standa undir henni.
Bergþór Ólason
Já, ég er virkilega ánægður með niðurstöðuna. Í kjördæminu var ánægjulegt að Miðflokkurinn næði inn tveimur mönnum og á landsvísu tekst okkur að ná hæsta atkvæðavægi sem nýtt framboð hefur nokkurn tímann náð.
Guðjón S. Brjánsson
Já, ég get ekki verið annað en sáttur. Við tvöföldum fylgi okkar, erum komin á góðan rekspöl með kjördæmakjörna þingmenn í öllum kjördæmum. Þótt við hefðum viljað enn skýrari niðurstöðu almennt, þá erum við í Samfylkingunni fyrir okkar leyti ánægð og þakklát fyrir stuðninginn. Fram undan eru krefjandi verkefni á þingi og spennandi uppbyggingarstarf okkar félaga um allt kjördæmið.
Lilja Rafney Magnúsdóttir
Ég er ánægð með að Vinstri græn á landsvísu bættu við sig manni en það eru vissulega vonbrigði að hafa ekki náð tveim mönnum í kjördæminu þar sem sáralítið vantaði uppá að það næðist og Bjarni Jónsson er öflugur fulltrúi fyrir landsbyggðina. Ég vil þakka öllum sem studdu okkur og heiti því að Vinstri græn munu vinna að heilindum að þeim brýnu verkefnum sem bíða stjórnvalda hvort sem við verðum í ríkisstjórn eða ekki.
ATH. Í Feyki er svar Lilju Rafneyjar ekki með þar sem það barst eftir að blaðið fór í prentun.
Fleiri fréttir
-
Allir að róa í sömu átt
feykir.is Skagafjörður, Íþróttir, Lokað efni 06.05.2025 kl. 15.38Í gærkvöldi varð ljóst hverjir andstæðingar Tindastóls verða í einvíginu um Íslandsmeistaratitilinn í körfunni. Þá áttust Stjarnan og Grindavík við í oddaleik en leikir liðanna höfðu verið æsispennandi og það varð engin breyting á því í gær. Það var lið Stjörnunnar sem hafði betur eftir dramatík í lokin. Fyrsti leikurinn í einvígi Tindastóls og Stjörnunnar verður í Síkinu á fimmtudaginn.Meira -
Háholt er ekki heldur inni í myndinni hjá Guðmundi Inga
feykir.is Skagafjörður, Lokað efni 06.05.2025 kl. 13.24Ráðherra barnamála, Guðmundur Ingi Kristinsson, er á sömu skoðun og fyrrverandi barnamálaráðherra, Ásthildur Lóa Þórsdóttir, varðandi vistun barna í Háholti í Skagafirði og telur Háholt ekki koma til greina sem meðferðarheimili fyrir börn. Í frétt á vef RÚV segir að neyðarvistun, afplánun og gæsluvarðhald verði áfram á Stuðlum.Meira -
Söngskemmtun á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 06.05.2025 kl. 08.28Sönghópur félags eldri borgara í Skagafirði heldur söngskemmtun á Löngumýri í Skagafirði sunnudaginn 11. maí 2025 kl. 15:00. Aðgangur kr. 3.000,- enginn posi. Verið velkomin. StjórninMeira -
Grunnskóli Húnaþings vestra í úrslit
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings vestra sigraði í sínum riðli í Skólahreysti í síðustu viku. Lið skólans hlaut 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.