Alls sóttu 578 námskeið hjá Farskólanum
Farskólinn – miðstöð símenntunar á Norðurlandi vestra hélt 55 námskeið á árinu 2013 og voru námsmenn 578 talsins, 365 konur og 213 karlar. Þetta kemur fram í ársskýrslu Farskólans en aðalfundur skólans fór fram 30. apríl sl.
Í skýrslunni kemur fram að 30 námskeið af þeim 55 sem haldin voru á vegum Farskólans fóru fram í Skagafirði eða 30 talsins. Í Húnaþingi vestra voru haldin fimm námskeið og sex á Blönduósi. Sex námskeið voru haldin á tveimur stöðum samtímis í gegnum fjarfundabúnað.
„Námsmenn komu víða að af Norðurlandi vestra. Ef póstnúmer námsmanna eru skoðuð kemur í ljós að flestir komu frá Sauðárkróki og næstflestir komu frá Blönduósi,“ segir í skýrslunni.
Ýmsar áhugaverðar samantektir má sjá í skýrslunni, t.d. var meðalaldur þátttakenda 44 ár. „Flestir námsmenn voru 53 ára (45 ára 2012). Yngsti námsmaðurinn var 14 ára (14 ára 2012) og sá elsti var 80 ára (86 ára 2012). Það voru því 66 ár á milli þess elsta og yngsta,“ segir í skýrslunni.
Rúmlega 70 verktakar leiðbeindu á námskeiðum Farskólans á síðasta ári og námu verktakagreiðslur til þeirra rúmlega 13 milljónum króna.
Hér má skoða árskýrsluna í heild sinni.
Fleiri fréttir
-
Minnstu bæjarfélögin hrópa út í tómið | Ólafur Adolfsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 31.05.2025 kl. 00.45„Hækkunin sem fylgir þessari skattlagningu er of mikil til að þessi minnstu fyrirtæki geti rekið sig réttum megin við núllið. Það er mat Óðins að þessi fyrirtæki, sem hafa fjölda manns í vinnu, fari að hverfa eitt af öðru um mitt næsta ár. Ríkisstjórnin reyndi í uppfærslu á frumvarpinu að koma til móts við minni útgerðir en samt sem áður er staðan svona. Þetta sýnir bara hversu hroðvirknislega þetta var unnið frá upphafi,“ segir Ólafur Adolfsson í aðsendri grein.Meira -
Iðnmenntun í uppnámi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.05.2025 kl. 15.26Morgunblaðið birti þann 29.5 umfjöllun um húsnæðismál verknámsdeildar FNV. Undir fyrirsögninni: Verknámshúsið löngu sprungið. Þar er vitnað til skólaslitaræðu fráfarandi skólameistara, Ingileifar Oddsdóttur:Meira -
Húnabyggð ein fjögurra sem hlaut styrk
feykir.is Austur-Húnavatnssýsla 30.05.2025 kl. 13.40Á vef Innviðaráðuneytisins kemur fram að styrkbeiðni Húnabyggðar um styrk til að þróa og efla almenningssamgöngur innan sveitarfélagsins með áherslu á samgöngur fyrir börn og ungmenni hafi verið ein fjögurra sem hlutu styrk Innviðaráðuneytisins vegna aðgerðar A.10 á byggðaáætlun, Almenningssamgöngur milli byggða.Meira -
Gleðilega hátíð sjómenn
feykir.is Skagafjörður, Austur-Húnavatnssýsla, Lokað efni 30.05.2025 kl. 10.05Sjómannadagurinn verður haldinn hátíðlegur um komandi helgi og hófust hátíðarhöld á Skagaströnd með golfmóti á Skagastörnd í gær fimmtudag. Íbúar Skagastrandar hafa einnig verið hvattir til þess að skreyta húsin sín og verða vegleg verðlaun fyrir best skreytta húsið. Frábær dagskrá verður síðan alla helgina en hátíðin heitir því fallega og viðeigandi nafni Hetjur hafsins. Meðal þess sem í boði verður eru, BMX brós, VÆB bræður, vatnsfótbolti, skrúðganga, skemmtun á bryggjunni, tónlistarbingó og dansleikur með hljómsveitunum Skandal og Steinliggur svo það er óhætt að segja að það verður margra daga sjómannadagsstuð á Skagaströnd alla helgina.Meira -
Myndasyrpa frá brautskráningu FNV
feykir.is Skagafjörður, Austur-Húnavatnssýsla, Ljósmyndavefur, Vestur-Húnavatnssýsla, Mannlíf, Lokað efni 29.05.2025 kl. 20.44Það var hinn merkilegasti brautskrárningardagur við Fjölbrautaskola Norðurlands vestra í gær eins og sagt var frá hér á Feykir.is í dag. Að venju var viðburðurinn myndaður í bak og fyrir, þrír ljósmyndarar mættir á svæðið og um 1800 myndir sem þarf að rúlla í gegnum. Hér má finna smá bragð af deginum í snefilmagni.Meira
