Ályktun Hólamannafélagsins – hollvinafélags Háskólans á Hólum
Stjórn Hólamannafélagsins skorar á Alþingi og stjórnvöld að taka höndum saman um að tryggja sem best framtíð Háskólans á Hólum, sem sjálfstæðrar og framsækinnar háskólastofnunar. Ekki þarf að minna á margra alda sögu Hólastaðar sem biskups-, menningar- og menntaseturs og þá skyldu sem samtíminn hefur við slíka helga sögustaði. Þeirri skyldu verður best sinnt með því að efla starfsemi á staðnum sem verður þjóðinni að sem mestu gagni. Þar hefur tekist einstaklega vel til.
Á síðustu árum hefur Háskólinn á Hólum byggt upp öflugar og hagnýtar námsbrautir á háskólastigi í hestafræðum, ferðamálafræðum og fiskeldi og fiskalíffræði. Einnig er í boði rannsóknartengt framhaldsnám á meistarastigi. Rétt er að benda á að það starf sem unnið er í Háskólanum á Hólum er þjóðhagslega mikilvægt og er á fræðasviðum sem aðrir háskólar sinna ekki. Afar mikilvægt er að skólanum sé gert kleift að sinna þeim með viðunandi hætti.
Þrátt fyrir að fjárveitingar til skólans hafi ekki fylgt eftir örri stækkun hans, hefur tekist að þróa skólastarfið og byggja upp alþjóðleg sambönd með öruggum hætti. Jafnframt gegnir skólinn mikilvægu hlutverki héraði sem öflugur þekkingargrunnur og stoð við ýmsa aðra starfsemi á þeim slóðum. Því er brýnna en nokkru sinni fyrr að tryggja skólanum nauðsynlegt fjármagn næstu ár til að tryggja sjálfstæði hans og efla núverandi starfsemi.
Samþykkt af stjórn félagsins 13. desember, 2013
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
