Ályktun ungmenna frá ráðstefnunni Ungt fólk og lýðræði
Ráðstefnan Ungt fólk og lýðræði var haldin á Hvolsvelli 29. – 31. mars sl. og voru samþykktar ályktanir og hvatningarorð til samfélagsins. M.a. er skorað á íslensk stjórnvöld að beita sér fyrir því að þau ríki sem fullgilt hafa barnasáttmála Sameinuðu þjóðanna virði hann og haldi á lofti. Einnig vill ráðstefnan að íslensk stjórnvöld hvetji öll ríki til að fullgilda sáttmálann. Öll aðildarríki SÞ, utan Sómalíu og Bandaríkjanna, hafa gert það.
Eftirfarandi var samþykkt á ráðstefnunni:
Ráðstefnan fer fram á að sveitarfélögin, í samstarfi við ríkið, komi á fót ungmennahúsum um allt land. Markmiðið skal vera að allir á aldrinum 16-25 ára eigi greiðan aðgang að slíku húsi. Ráðstefnan lýsir yfir áhyggjum sínum af atvinnumálum ungs fólks. Ríflega tvö þúsund manns á aldrinum 15-25 voru á atvinnuleysisskrá í lok febrúar og þá eru ekki taldir með námsmenn á leið út á vinnumarkaðinn í sumar.
Við hvetjum ungmenni til að krefjast þess að stofnuð séu ungmennaráð í sínum sveitarfélögum. Réttast væri að starfsemi ungmennaráða í öllum sveitarfélögum landsins yrði sett í lög. Ráðstefnan hvetur til þess að haldinn verði þjóðfundur ungs fólks með það markmið að ungt fólk geti rætt saman og ákveðið sjálft hvernig það vill sjá sína aðkomu að stjórnkerfi landsins.
Ráðstefnan þakkar Ungmennafélagi Íslands fyrir að standa fyrir ráðstefnu á borð við Ungt fólk og lýðræði. Hún gefur ungu fólki færi á að mynda tengsl, ræða sín viðhorf, koma þeim á framfæri og sanna fyrir því að það geti haft áhrif. Við hvetjum til þess að ráðstefna sem þessi verði haldin á hverju ári og megi aðrir taka UMFÍ sér til fyrirmyndar.
Ráðstefnan þakkar forseta Íslands, hr. Ólafi Ragnari Grímssyni, fyrir að gefa sér tíma til að heimsækja ráðstefnuna og ávarpa hana. Ávarp hans var hvetjandi og gaf okkur byr undir báða vængi fyrir vinnu helgarinnar. Frábært var að finna fyrir trú hans á ungu fólki og sannfæringu á að við getum skipt miklu máli í samfélaginu.
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
