Ánægja með aðsókn safnahelgarinnar
Að undanförnu hefur staðið yfir kynningarátak á Norðurlandi vestra undir nafninu „Huggulegt haust“. Markmiðið með verkefninu er að lengja hefðbundið ferðamannatímabil og draga fram þá fjölmörgu kosti sem ferðafólk getur nýtt sér á svæðinu, utan háannatíma. Kynningarátakið er samstarfsverkefni SSNV Atvinnuþróunar, Ferðamálasamtaka Norðurlands vestra, ferðaþjónustuaðila og safna og setra á svæðinu.
Dagskrá undir merkjum kynningarátaksins hófst 1. september síðastliðinn en síðustu viðburðirnir sem tileinkaðir eru ,,Huggulegu hausti“ fara fram næstkomandi laugardag, 15. október. Þá verður haldin sviðamessa í Hamarsbúð á Vatnsnesi og eru enn örfá sæti laus. Hrossablót verður haldið á Hótel Varmahlíð og er uppselt á þann viðburð.
Liður í Huggulegu hausti var Söguleg safnahelgi sem fram fór um síðustu helgi. Flestir forstöðumenn safna og setra sem tóku þátt í Sögulegri safnahelgi með opnun og viðburðum eru ánægðir með aðsókn og telja að endurtaka eigi þennan viðburð að ári. Margir gestir fóru á milli staða og skoðuðu söfn og setur. Sumir höfðu á orði að þeir hefðu jafnvel aldrei heimsótt viðkomandi stað áður eða ekki litið inn í langan tíma. Töldu gestir því almennt að safnahelgi að hausti væri kjörið tækifæri til að kynna heimafólki þjónustu safna og setra.
Í tengslum við Huggulegt haust var gefinn út bæklingur sem innihélt einnig svokallað safnakort. Þáfengu gestir stimpil í safnakortið hjá þeim stöðum sem þeir heimsóttu á Sögulegri safnahelgi. Þeir sem fengu fjóra eða fleiri stimpla gátu tekið þátt í happdrætti og innan skamms verða nöfn vinningshafa birt á vefsíðu verkefnisins: www.huggulegthaust.is
Aðstandendur verkefnisins munu á næstu vikum leggja mat á árangur þess og mun þá væntanlega ráðast hvort framhald verður á samstarfi um Huggulegt haust að ári liðnu.
Svipmyndir frá deginum má sjá HÉR
/Fréttatilkynning
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
