Ari Trausti á Króknum
Forsetaframbjóðandinn Ari Trausti Guðmundsson heimsótti Sauðárkrók fyrr í vikunni og skilaði meðal annars undirskriftalista sínum til sýslumannsins með meðmælendum hans til forsetaframboðsins. -Á tímum hraðans hef ég ferðast víða um land til að hitta mann og annan vegna framboðsins til embættis forseta Íslands og til þess að taka sjálfur þátt í söfnun undirskrifta undir meðmæli með framboðinu, segir Ari í pistli sem hann sendi Feyki.
-Þetta er skemmtileg iðja og margt að sjá, heyra og læra af. Þannig hef ég náð að fara um hluta Austurlands, um norðanverða Vestfirði, með allri suðurströndinni, um norðanvert Snæfellsnes og miðhluta Norðurlands, þar með t.d. til Akureyrar, Fjallbyggðar og Grímseyjar, sem var einkanlega ánægjulegt. Því miður reynist ómögulegt að koma til allra þessara 50-60 þéttbýlisstaða sem á kortum eru en raunar get ég , í júní, sinnt sumum þeirra sem ég á eftir.
Síðasta heimsóknaferðin í þessari lotu var til Sauðárkróks fyrir nokkrum dögum.
Fyrir utan að snæða þar og hitta Ríkharð Másson sýslumann vegna skila á undirskriftalistum og nokkra starfsmenn sýsluskrifstofunnar, heimsóttum við Árni Árnason KS, bæði í Kjarnann og á skrifstofur samstæðunnar. Ekki þarf að tíunda starfsemina fyrir Skagfirðingum og Sauðárkróksbúum en okkur þótti mikið til koma, bæði að sjá samvirknina og kynnast vinnuandanum í Kjarnanum og fræðast um stærð og umsvif fyrirtækisins hjá forsvarsmönnunum. Ekki sakar að geta þess að bróðursonur minn vinnur hjá KS; Yngvi Yngvason. Við héldum stórum fróðari áfram til Akureyrar.
Þessi pistill er skrifaður fyrst og fremst til að þakka móttökurnar, bæði vinsamlegar og vandaðar.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
