Áskorun um margföld framlög til byggðamála
Aðalfundur Beint frá býli, félags heimavinnsluaðila, fór fram 16. apríl sl. að Hraunsnefi í Borgarbyggð. Í upphafi fundar flutti gestur fundarins, Elfa Björk Sævarsdóttir frá Rauðabergi á Mýrum, stutt erindi um hugmynd sem hún er með og gengur út á að veita faglega aðstoð við uppsetningu á gæðakerfi í heimavinnslum. Elfa er matvælafræðingur að mennt og hefur unnið hjá Actavis síðustu 18 ár við gæðastjórnun.
Formaður stiklaði á stóru um starfsemi félagsins síðasta árið. Þá tilkynnti hann að hann myndi láta af störfum í stjórn félagsins á þessum fundi, þar sem lög félagsins heimila aðeins 6 ára samfellda setu í stjórn.
Afkoma félagsins var lítið eitt verri en undanfarin ár, er það einkum vegna lækkunar á styrkjum til félagsins. Félagið hefur kostað miklum fjármunum á síðustu tveimur árum í rekstur erinda vegna samskipta við MAST.
Kosið var í stjórn og þar sem Guðmundur Jón Guðmundsson hefur lokið sínum tveimur kjörtímabilum, var kosinn nýr aðili í stjórn, til þriggja ára. Það var Þorgrímur Einar Guðbjartsson sem var einróma kjörinn í stjórn.
Tvær bókanir voru samþykktar á fundinum, svo hljóðandi og upp bornar af Matthíasi Lýðssyni frá Húsavík á Ströndum:
Aðalfundur Beint frá býli þakkar íslenskum neytendum frábærar móttökur á vörum félagsmanna Beint frá býli á undanförnum árum. Með ykkar stuðningi getum við félagar í Bfb haldið áfram að framleiða hágæða vörur úr íslensku hráefni.
Aðalfundur Beint frá býli haldinn að Hraunsnefi 16.4. 2016 skorar á Alþingi að margfalda framlög til byggðamála m.a. til að bæta samgöngur hvort heldur er á vegum eða á netinu. Með því virkjum við kraft, kjark og hugmyndaauðgi íbúa landsbyggðarinnar til virðisauka fyrir alla Íslendinga.
Voru báðar þessar tillögur einróma samþykktar.
Í fundarlok voru Guðmundi Jóni Guðmundssyni færðar þakkir fyrir óeigingjarnt starf fyrir félagið allt frá stofnun þess og óskar fundurinn honum velfarnaðar í þeim störfum sem hann nú tekur sér fyrir hendur.
Á stjórnarfundi Beint frá býli sem haldinn var strax að afloknum aðalfundi, skipti stjórn með sér verkum þannig: Formaður: Þorgrímur Einar; ritari Jóhanna Bergmann Þorvaldsdóttir og gjaldkeri Hanna Kjartansdóttir.
Fréttatilkynning
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
