Atvinnuveganefnd leggur til að tillagan verði samþykkt óbreytt
Í gær, miðvikudaginn 11. desember, var lagt fram á Alþingi nefndarálit atvinnuveganefndar um tillögu til þingsályktunar um átak stjórnvalda og sveitarfélaga í Austur-Húnavatnssýslu til atvinnuuppbyggingar. Nefndin hefur fjallað um málið og bárust henni umsagnir frá Byggðastofnun, Bændasamtökum Íslands, Landsvirkjun og Samtökum ferðaþjónustunnar.
Á vef Húna.is kemur fram að Í október síðastliðinn lögðu Einar K. Guðfinnsson og sex aðrir þingmenn úr Norðvesturkjördæmi fram á Alþingi tillögu til þingsályktunar um átak stjórnvalda og sveitarfélaga í Austur-Húnavatnssýslu til atvinnuuppbyggingar. Markmiðið með átakinu er að efla samkeppnishæfni svæðisins.
Í tillögunni er lagt til að stjórnvöld og sveitarfélög komi á átaki til að efla atvinnulíf og skapa ný störf á Norðurlandi vestra með nýtingu raforku frá Blönduvirkjun. Einnig á að efla samkeppnishæfni svæðisins og undirbúa það fyrir uppbyggingu. Jafnframt verði unnið að markaðssetningu þess sem iðnaðarkosts, svo sem fyrir gagnaver.
Í greinargerð með tillögunni er bent á að á Norðurlandi vestra hafi störfum og íbúum fækkað mjög undanfarin ár. Samkvæmt upplýsingum Byggðastofnunar hefur íbúum fækkað um tæplega 1.000 milli áranna 1997 og 2010 en sú tala jafngildir um það bil íbúafjölda Blönduóss árið 2011 sem var þá um 880. Einnig kemur fram í greinargerðinni að sveitarfélög nyrðra hafi unnið að því að byggja upp gagnaver á Blönduósi. Staðhættir fela í sér mikla kosti fyrir gagnaver, svo sem nálægð við virkjun og umhverfisvæna og græna orku, þar séu góðar raforku- og ljósleiðaratengingar og náttúruvá sé lítil. Auk þess er bent á að byggingarland sé gott, lóð sé tilgreind í aðalskipulagi Blönduósbæjar, almenn og sértæk þjónusta sé til staðar innan 50 kílómetra frá lóðinni og alþjóðaflugvöllur innan 150 kílómetra.
Umsagnaraðilar taka jákvætt í efni tillögunnar en einnig er í umsögnum hnykkt á því að þörf sé á uppbyggingu atvinnulífs víðar á landinu og að margvísleg tækifæri á ýmsum svæðum verði að nýta.
Atvinnuveganefnd leggur því til að tillagan verði samþykkt óbreytt.
Lesa má umsagnir hér.
Lesa má nefndarálitið hér.
Lesa má tillöguna hér.
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
